-
Ereño Gorria kareharria da mundu mailako ondarea osatzen duten 50 harrietako bat
-
% 92ko okupazioa UPV/EHUko graduatuen artean
-
Aurkitu dute nola kontrolatzen eta gobernatzen dituzten zelulek beren lekualdatzeak
-
Arotza, fisikaria eta jakite hutsaren atsegina
-
103 master ofizialek eta berezko 72 tituluk osatuko dute UPV/EHUren 2024-2025eko eskaintza
Nanokide Thertapeutics, 2022ko Kantauri Sari Bikainen VII. edizioan saritua
UPV/EHUko spin-off horrek soluzio nanoteknologikoak minbiziaren metastasiaren aurka eskaintzen ditu
- Albisteak
Lehenengo argitaratze data: 2022/10/04
![](https://ehu.eus/documents/10136/39782046/iker-badiola-nanokide_web.jpg/1b5950a7-7f45-a353-7fa4-1e2aee867045?t=1664877016940)
Nanokide Therapeutics enpresa saritu dute 2022ko Kantauri Sari Bikainen VII. edizioan I+G+Bko Enpresa kategorian. Sari horiek ‘El Suplemento’ argitalpenak ematen ditu, eta urtero Kantauri kostaldeko (Galizia, Asturias, Kantabria, Euskadi eta Nafarroa) enpresek hainbat esparrutan egindako lana baloratzen du. Sariak joan den ostiralean, irailaren 30ean, banatu ziren A Coruñako NH Collection Finisterre hotelean.
Nanokide Therapeutics Euskal Herriko Unibertsitatearen spin-off bat da. Medikuntza eta Erizaintza Fakultateko Zelulen Biologia eta Histologia saileko Signaling Lab ikerketa-taldetik sortu zen. Bizkaiko Campuseko enpresa-haztegian du egoitza (ZITEK), eta tumoreen aurkako farmakoak garatzen ditu. Horretarako, plataforma nanoteknologiko propioa eta RNA mezularia eta mikroRNA teknologia konbinatzen ditu. Talde sustatzailea Iker Badiola irakasleak eta Maitane Duarte ikertzaileak osatzen dute.