Description

Apirilaren 26an, asteazkena, Zientzia eta Teknologia VIII. Ikerketa Jardunaldien inaugurazio ofiziala egingo da Paraninfoan. Bertan izango dira Fakultateko dekanoa Fernando Plazaola, Unibertsitate eta Ikerketako sailburuordea Adolfo Morais eta Ikerketako errektoreordea Inmaculada Arostegui. Inaugurazio hitzaldia Javier García-Martínez irakasleak emango du, Alacanteko Unibertsitateko katedraduna eta IUPACeko presidentea dena. 

Apirilaren 27an, osteguna, doktoratu aurreko ikertzaileei eskainiko zaie, eta beren ikerketa aurkezteko aukera izango dute, ahozko komunikazioen bidez. Arlo ezberdinetan banatuko dira: Biozientziak, Fisika, Ingeniaritza Elektronikoa, Geologia, Matematika, Kimika eta Ingeniaritza Kimikoa. Ahozko komunikazioek 5 minutuko iraupena izango dute eta sail bakoitzak hautatutako ikertzaileek egiten ari den ikerketaren emaitza garrantzitsuenak azalduko dituzte, eta bere lanean inplikatuta daudela eta bertaratutakoei ezagutza transmititzeko gaitasuna dutela erakutsiz. 

Zentroko ikertaldeek aukera izango dute beren ikerketa poster moduan aurkezteko (ikertalde bakoitzeko bana), zeinean ikerketa ildo guztien laburpen bat agertzen den. Fakultateko Grande Sallen egongo diren posterren erakusketara bisita gidatuak egingo dira, titulazio desberdinetako ikasleekin.