UPV/EHUren adierazpena, bakearen alde
- News
First publication date: 17/11/2023
Euskal Herriko Unibertsitateak (UPV/EHU) erabat arbuiatzen ditu Ekialde Hurbileko azken asteotan izandako gertaera tamalgarriak, zeinen orpotik krisi humanitario latza sortu den Gazan.
Azpimarratu nahi dugu irmotasunik handienaz gaitzesten dugula Israelgo populazio zibilak jasandako eraso bidegabea, bai eta geroztik Palestina pairatzen ari den oldarraldi indiskriminatua ere. Gogoratu behar dugu, zoritxarrez, Ukraina gerran dagoela oraindik ere, Errusiak egindako inbasioaren ondorioz.
Irmoki eskatzen dugu oraintxe gertatzen ari diren giza eskubideen urraketak segituan amaitu behar direla. Irmoki ere eskatzen dugu nazioarteko zuzenbidea eta arau humanitario guztiak errespeta daitezela, Nazio Batuen Erakundeko Batzar Nagusiaren ebazpenean oraintsu egin den legez.