Description

Andrabideko harrobia (Gautegiz Arteaga)  

Gautegiz Arteagako Udalak, Euskal Herriko Unibertsitatearekin batera, Zientzia Geologikoen Nazioarteko Batasunak (IUGS) Andrabide udal-harrobiko ‘Ereño Gorria’ Kareharria "Nazioarteko Ondare Harri" izendatzeko ekitaldia egingo du datorren ostiralean, uztailaren 5ean.

Ekitaldian parte hartuko dute: Patrik Saitua, Gautegiz Arteagako alkatea; Gorka Moreno, UPV/EHUko Bizkaiko Campuseko errektoreordea; Arantza Aranburu, UPV/EHUko Petrologia eta Geokimikako irakaslea; Laura Damas, geologoa, ikertzailea, UPV/EHUko doktorea; Asier Hilario, IUGS Zientzia Geologikoen Nazioarteko Batasuneko Ondare Batzordeko zuzendaria.

Bertan izango dira Busturialdeko alkatea eta zinegotziak eta Bizkaiko Foru Aldundiko ordezkariak, besteak beste.