-
45.000 ikasle baino gehiagorekin hasi da 2024/2025 ikasturtea UPV/EHUn
-
UPV/EHUk Palestinako poeta baten olerkia gehitu du bere Poesia Pasealekuan
-
Gema Varona Biktimologiako Munduko Elkarteko lehendakari hautatu dute
-
Adimen artifizialak doitasun nanometrikoz detektatzen ditu minbizia eta infekzio biralak
-
Bederatzi urte ditut eta amaren mugikorra erabiltzen dut
MUSIKVERSIKA, Unibertsitate Musikako IV. Lehiaketa
- News
First publication date: 07/12/2021
![](https://www.ehu.eus/documents/10136/33560838/Musiversika01.jpg/5ea05bad-7498-5d95-aba4-6a47e0d244c6?t=1638889780496)
Universidad del País Vasco/Euskal Herriko Unibertsitateak laugarrenez antolatu du MUSIKVERSIKA, Unibertsitate Musikako Lehiaketa. EHUkulturak eta Arabako Campuseko Errektoreordetzak antolatzen dute, sormena eta musika sustatzeko helburuarekin, UPV/EHUren ikasleen zeharkako prestakuntzaren ezinbesteko alderdia delako, baita unibertsitate komunitateak arlo horretan egindako sormen eta artelanak aitortzeko eta unibertsitatez kanpoko sormen jarduera (musikakoa) unibertsitatearen kultura eskaintzaren barruan sartzeko ere.
Lehiaketak bi fase ditu, eta norbanakoen eta taldeen musika proiektuak aurkeztu ahalko dira. Taldeei dagokienez, gutxienez partaideetako bat unibertsitate komunitateko kidea izan behar da (ikaslea, AZPko edo IRIko langilea). Agiri baten bidez egiaztatu beharko da hori.
Lehiara edozein musika estilo edo joeratako musika proiektuak onartuko dira, mugarik gabe. Parte hartzeko, solistaren edo taldearen grabaketa bat aurkeztu beharko da, bere obraren lagin gisa. Edozein formatu onartuko da: mp3 edo bestelako audio formatuak, YouTubeko kanalaren esteka, Bandcamp, Soundcloud edo beste edozein plataformatako esteka.
Obrak musika proiektuko konposizio propioak edo taldekideren batenak izan beharko dira, eta horien eskubideak ezingo dira egon ezein diskoetxeren edo erakunderen jabetzapean, gerora gizarteratu, grabatu edo editatzeko eragozpenik jarri, edo horretarako betebehar ekonomikorik ezarriko duenik. Lehiaketan parte hartu ahal izateko, musika proiektuek gutxienez konposizio propioko lau abesti bildu beharko dituzte.
Izena emateko eta obrak bidaltzeko, musiversika@gmail.com helbide elektronikoa erabiliko da. 2021eko abenduaren 27ra arte dago horretarako epea, eta mezuaren gaian musika proiektuaren izena (artistarena edo taldearena) adieraziko da, baita mezuari dagokion zenbakia ere, bat baino gehiago bidaliz gero, bidalketa ordena zehazteko.
Gehienez ere hiru musika proiektu hautatuko dira, bigarren fasera igaroko direnak eta zuzeneko lehiaketa/kontzertu batean parte hartuko dutenak, 2022ko urtarrileko azken astean, Gasteizko Jimmy Jazz aretoan.
Informazio gehiago