-
Ereño Gorria kareharria da mundu mailako ondarea osatzen duten 50 harrietako bat
-
% 92ko okupazioa UPV/EHUko graduatuen artean
-
Aurkitu dute nola kontrolatzen eta gobernatzen dituzten zelulek beren lekualdatzeak
-
Arotza, fisikaria eta jakite hutsaren atsegina
-
103 master ofizialek eta berezko 72 tituluk osatuko dute UPV/EHUren 2024-2025eko eskaintza
Maider Baigorrik irabazi du Cuatrecasas Challengen 3. edizioa
UPV/EHUko Enpresen Administrazio eta Zuzendaritzako eta Zuzenbideko Gradu Bikoitzeko azken mailako ikaslea da
- Kronika
First publication date: 13/03/2024
![](https://ehu.eus/documents/10136/51600144/maider-baigorri_web.jpg/0ebeb7fa-40d2-8bf8-d2a1-8a84717bdb56?t=1710322533323)
Maider Baigorrik, Enpresen Administrazio eta Zuzendaritzako eta Zuzenbideko Gradu Bikoitzeko azken urteko ikasleak, Cuatrecasas Challenge lehiaketa nazionala irabazi du. Enpresa-zuzenbidearen esparruan erreferente bihurtu den txapelketa, hain zuzen. Alicanteko Unibertsitateko Ivan Garcia ikaslearekin batera lortu du garaipena. Maider, gainera, unibertsitateko zuzenbideko ikasleen elkarteko (ELSA UPV/EHU) presidentea eta ADUEE eztabaida elkarteko kidea da.
Lehiaketan parte hartzen zuten zazpi bikoteek enpresa-zuzenbide kasu bat ebatzi behar zuten (fiskala, merkataritzakoa eta publikoa). Joan den otsailean aurkeztu behar izan zuten auziaren lehen defentsa idatzia, eta oraingoan Cuatrecasas bulegoko hainbat bazkidek osatutako epaimahai batean aurkeztu behar izan dute. Maider Baigorrik benetako ikasketa gisa hartu du lehiaketa: "Oso esperientzia aberasgarria izan da, talde-lana sustatzeaz gain, ikasgeletatik kanpo abokatu ezagunen ezagutzak ikasteko aukera ere ematen baitizu. Era berean, aukera bikaina da abokatutza hurbilagotik ezagutzeko eta komunikazio-trebetasunak lantzeko".
Maider Baigorrik eta Ivan Garciak laguntza ekonomikoa jasoko dute ikasketak jarraitzeko, baita praktikak Cuatrecasasen egiteko aukera ere.
Ez da UPV/EHUko ikasle batek sari hau irabazten duen lehen aldia. Lehenengo edizioan Mikel Guarnido eta Victor Pérez geratu ziren, hurrenez hurren, lehenengo eta bigarren.