Euskal Herriko Unibertsitateko Gizarte eta Komunikazio Zientzien Fakultateak aintzatespenak jasotzen jarraitzen du bere 40. urteurrenean. Oraingo honetan, saria “La Ría del Ocio” kultur aldizkariaren eskutik datorkio, bere 35. urteurrenean UPV/EHUren ikastegiari “Las Angulas de la Ría de Bilbao” preziatuetako bat eman baitio.

Bilboko BBK Aretoan egindako ekitaldian, epaimahaiak nabarmendu zuen “euskal prentsako eta ikus-entzunezko hedabideetako aurpegi ezagun gehienak fakultatetik” igaro direla.

Gizarte eta Komunikazio Zientzien Fakultateko dekanoak, Ana Irene del Vallek, saria jasotzean azpimarratu zuenez, “gure fakultatearen DNAn dago ingurune profesionalarekin, tokiko hedabide eta erakundeekin eta gure lurraldeko eskaintza kultural eta komertzialarekin konplizitatea eta lankidetza izatea. Horren adibide on eta fidela da gaur egun sari honekin ohoratzen gaituena”.