Description

Aurten ere, unibertsitateak euskararen aldeko ekimen ezagunaren 23. edizioan parte hartuko du Martxoaren 14tik 24ra 23. Korrikak Euskal Herria zeharkatuko du Irundik Baionara. UPV/EHUk bat egingo du, aurten ere, Euskal Herri osoan 2.700 kilometro egingo dituen eta Gasteiz, Bilbo eta Donostiako kilometroetan parte hartuko duen martxa honetan euskara aldarrikatzeko ekimenarekin.

Aurten, UPV/EHUk hainbat kilometro erosi ditu hiru campusetan. Egun horietan gure parte-hartzearen irudiak partekatuko ditugu eta Instagramen etiketatuz egitera animatzen zaituztegu: @upvehu_gara.

Juncal Gutiérrez Mangado Euskara, Kultura eta Nazioartekotzearen arloko errektoreordeak gogorarazi duenez, "aurten ere, Euskal Herriko Unibertsitateak babesten du Korrika, eta, beste behin ere, prest gaude ekitaldian parte hartzeko. Euskararen aldeko gizarte eragileekin elkarlanean egiten ditugun ekimenen artean, Korrika da gure agendan jaso dugun ekimen paregabea. Aurten ere, UPV/EHUko komunitateak, ikasleek, irakasleek, ikertzaileek eta kudeaketa eta administrazio eta zerbitzuetako langileek parte hartuko dute unibertsitateak horretarako eskaintzen dituen ibilbide zabaletan. Parte hartu dugun ibilbideetako batean edo batzuetan itxarongo zaituztegu! ", amaitu du errektoreordeak.

UPV/EHUren kilometroak

• Gasteiz: Martxoaren 18an
  Kilometro zenbakia 1062 - Araba/Los Buesa kalean 21:18
  Kilometro zenbakia 1063 -  Zumakaldi ibilbidean, 14 21:20
• Ermua-Eibar: Martxoaren 20an
  Kilometro zenbakia 1518 - Gipuzkoako Hiribidean 10:30
• Bilbo: Martxoaren 21ean
  Kilometro zenbakia 1880 - Deustuko zubian, 6 (Zubiarte parean) 19:16
• Donostia: Martxoaren 23an
  Kilometro zenbakia 2568 - Tolosa Hiribidean (The Good Burger parean)
  Kilometro zenbakia 2552 - Tolosa Hiribidean 19:44:03
  Kilometro zenbakia 1567 - Tolosa Hiribidean 121 (Mutua Univesal)
  Kilometro zenbakia 2566 - Tolosa Hiribidean 123  20:15

Omenaldia Iparraldeko ikasle euskaldunei

Aurtengo Korrikak “Azterketa Euskaraz” taldea omenduko du; horrela, Ipar Euskal Herrian euskaraz ikasten duten ikasleen egoera ezagutarazten saiatuko da, bai "brevet" proba (DBHko azken probaren antzekoa), bai Baccalauréat proba (EAUren antzekoa) euskaraz egin ahal izatea aldarrikatzen duena.