-
45.000 ikasle baino gehiagorekin hasi da 2024/2025 ikasturtea UPV/EHUn
-
UPV/EHUk Palestinako poeta baten olerkia gehitu du bere Poesia Pasealekuan
-
Gema Varona Biktimologiako Munduko Elkarteko lehendakari hautatu dute
-
Adimen artifizialak doitasun nanometrikoz detektatzen ditu minbizia eta infekzio biralak
-
Bederatzi urte ditut eta amaren mugikorra erabiltzen dut
Maitasun kapitala
Karmele Jaio Eiguren idazlearen azken liburua aitzaki hartuta ‘maitemintasunari’ buruzko solasaldi literarioa garatu zen Gipuzkoako Campuseko Carlos Santamaria Zentroan
- Kronika
First publication date: 16/04/2024
![](https://www.ehu.eus/documents/10136/52221416/karmele-jaio-upv-ehu_working01.jpg/ec582a9d-1105-df1b-ea2f-c3300f3e4af1?t=1713260176125)
2024ko liburuaren eguna ospatzeko EHUkulturak antolatutako ekimenen artean, Karmele Jaio gonbidatu du bere azken lanean islatzen duen hausnarketari buruzko hartu emanetan Euskal Herriko Unibertsitateko kideekin parte hartzera.
Ikasle, Administrazio eta Zerbitzuen personala eta irakasleek osatutako 12 laguneko talde honetan, eleberrian bistaratzen diren hainbat gai astindu ziren mahai inguruan, besteak beste: Maitatze moduen ertz desberdinak, generoen eraikuntza eta uztartzeen argi ilunak eta autoezagutzaren garrrantzia bikote esperientzia mingarriak ulertzeko eta gainditzeko.
Solasaldian, emakumeen harreman afektibo-sexualen sozializazioaren garrantzia azpimarratu zen; intimitatearen eremutik atera eta ispilu lana egin dezaketen adiskidetasun harremanetara ekartzeak daukan garrantziaz. Honetaz gain, duintasuna galdu arteko harremanen zentzuaz hitz egin zen, eta giza izaerak berarekin lotuta dakarren kontraesanetaz.
‘Maitasun kapitala’ liburuak, Arabako Campuseko kultura zuzendaria du pertsonai nagusi, eta urte betean biziko duen harremanaren oldarra pairatuz, bere hankaperatzearen bidera eramaten gaitu idazleak bikainki. Unibertsitatea eskena den arren, Olga, irakaslearen bizipenen deskribapenek agintzen dute narrazio osoan zehar.
Solasaldian, partehartzaileek, hain ezaguna zaigun esparrua aukeratzeagatik eskerrak emateaz gain, zorionak luzatu zizkieten Karmele Jaiori, eta beste baterako ere aurrehitzordua eginda geratu zen.