Description

Datorren ostiralean, 2024/12/13an, 'UPV/EHUren Hezkuntzarako IX. App Azoka' ospatuko da. Azoka hau urtero Bilboko Hezkuntza Fakultateak eta Bilboko Ingeniaritza Eskolak batera egiten duten diziplinarteko proiektu baten jendaurreko aurkezpena da. Proiektuaren helburua da, batetik, teknologia berrien erabilera sustatzea hezkuntzaren esparruan, eta, bestetik, telekomunikazio-ingeniaritzaren esparrutik aplikatutako irtenbideak ezartzeko gaitasuna sustatzea.

Edizio honetan 6 App diseinatu eta programatu dira ikastetxeetan osasuna sustatzeko. Haurrak gaixotasun arruntei buruz (gripea edo asma, esaterako) edo gaixotasun larriagoei buruz (minbizia, adibidez) ezagutzeko eta sentsibilizatzeko aplikazioak dira. Prestakuntzaz gain, App-en helburua haurrak sentsibilizatzea da, gaixotasunak ezagut ditzaten eta arduraz eta errespetuz joka dezaten.

Garatutako aplikazioak eskuragarri daude Azokaren webgunean, doan. Tradizioari jarraituz, edizio honetan "TxAPPelduna 2024" saria ere jasoko du jendeak gehien bozkatutako App-ak. Hori dela eta, antolatzaileek web orriko App-ak deskargatu eta komentatzera animatzen zaituztegu, eta abenduaren 13an 11:00etatik 12:00etara Bilboko Hezkuntza Fakultatean (Bizkaiko campusa-Leioa-Erandio eremua, UPV/EHU) egingo den Azokara etortzera gonbidatzen zaituztegu.

Azokan, proiektuak standetan aurkeztuko dira, ikasle talde bakoitzak egindako poster eta tutorialen bidez. Ikasleek sortutako aplikazioei buruzko galdera eta zalantza guztiei erantzungo diete. Web orri honetan bideo-tutorialak ikus daitez-ke eta QRra sartu Android gailuetan aplikazioak instalatzeko.

Animatu parte hartzera! Zure zain gaude!