Description

Euskal Herriko Unibertsitateko Ondare Eraikiaren Ikertaldeak (GPAC) ‘International Workshop on Archaeology and Archaeometry: New Horizons in the Study and Conservation of Cultural Heritage’ antolatu du, UPV/EHUren Letren Fakultatea egoitza duela.

Tailer horretan ikertzaile ezagunek hartuko dute parte, eta nork bere jakintzak eta esperientziak partekatuko ditu ikaskuntzara eta trukera bideratutako gune batean. Kultura ondarearen azterketari eta kontserbazioari aplikatutako ikerkuntza estrategietan sakontzea da tailerraren helburua. Ekitaldiaren bidez, ikasleen, irakasleen, ikertzaileen eta, oro har, publikoaren parte hartze aktiboa sustatu eta sendotu nahi da, arkeologiaren eta arkeometriaren arloetan ikusmolde freskoak eta berritzaileak eskainiz diziplina arteko eta diziplina anitzeko ikuspegitik.