NON: Zientzia eta Teknologia Fakultatea NOIZ: 2023ko ekainaren 13a NOR: Jesús Moro. Pertsonaleko Gerenteordetza.

Bai, argazkiak UPV/EHUren ikastegiak osatzen dituzten ehunka ikasgeletako bat bakarrik irudikatzen du. Kasu honetan, Zientzia eta Teknologia Fakultateko ikasgela bat. Egia esateko, hasiera batean ez du interes handirik sortzen Unibertsitate honetako txoko horrek.

Hala ere, orain bi aste eta piku, ikasgela horrek eta aldameneko beste batzuek protagonismo berezia izan zuten. Irakasleek ikasturtean zehar ematen dizkieten ezagutzak berenganatzen dituzten ikasle gazteen ordez, gure AZPko langileak (orain, TEKAZEL) egon ziren. Haien betaurrekoen kristalen atzean (adinak ez du barkatzen eta), barne sustapeneko hautaketa prozesuetako azterketak egin zituzten.

Beren karrera profesional «motelean» beste urrats bat egiteko ilusioz, ez zuten ia zailtasunik izan adierazteko nola kalkulatzen den EAEko kupoa, zer diren kontratu txikiak, zein den berraztertzeko errekurtso bat jartzeko epea, ez eta estilo bereko beste galdera batzuei erantzuteko ere. Nolanahi ere, proba horietan parte hartu zutenek, oro har, zailtasun handi bat adierazi zuten: erantzun orriko laukitxoak txikiegiak ziren, ez oso bateragarriak 1960ko hamarkadan jaio ginen ia gehienok, gehiago edo gutxiago, berez daukagun presbiziarekin.

Eta hain zuzen ere horregatik, Unibertsitate honi hainbeste eman dioten eta Unibertsitate honetan hainbeste bizi izan duten eta berriz ere «ikasle rola» hartu behar izan duten pertsona horien nekaezintasun eta konstantziagatik, zilegi da egin duten ahalegin hori lerrootan aintzatestea.

Espero dugu gure Unibertsitateko txoko hori, Zientzia eta Teknologia Fakultateko ikasgela horiek, agertoki bikaina izan izana kide ohiekin berriz topatzeko ez ezik, baita aspaldiko asmo profesionalak betetzeko ere.

Zorionak guztiei!

Eta, bide batez, lerrook baliatu nahi ditut Zientzia eta Teknologia Fakultateak halako ekitaldiak egiteko beti eman dizkigun erraztasunak eskertzeko. Bereziki eskerrak eman nahi dizkiot ikastegi honetako kide den Iñaki Ortego, beti bezala, dena bikain antolatzeagatik.

Barne sustapen honetako epaimahaikide izan diren kideen lan ona eta jarrera bikaina ere nabarmendu nahi ditut, prozesuaren mugarri guztiak arrakastaz egin zitezela bermatu baitzuten.