-
45.000 ikasle baino gehiagorekin hasi da 2024/2025 ikasturtea UPV/EHUn
-
UPV/EHUk Palestinako poeta baten olerkia gehitu du bere Poesia Pasealekuan
-
Gema Varona Biktimologiako Munduko Elkarteko lehendakari hautatu dute
-
Adimen artifizialak doitasun nanometrikoz detektatzen ditu minbizia eta infekzio biralak
-
Bederatzi urte ditut eta amaren mugikorra erabiltzen dut
Unibertsitateen G-9 Taldeak online prestakuntza plan bateratu bat sortzea erabaki du 2024-2025 ikasturtetik aurrera
First publication date: 10/10/2023
![](https://www.ehu.eus/documents/10136/0/ordenacion-academica-grupo-g9-universidades_web.jpg/dccae696-1862-a174-8a1d-003667bebab1?t=1696926796180)
Unibertsitateen 9 Taldeko (G-9) Akademia Antolakuntzako Batzordeak Santanderren erabaki du 2024-2025 ikasturtean doako online ikastaroen katalogo bateratua abian jartzea, graduko ikasleei zuzenduta. Ikastaroek Garapen Jasangarriko Helburuekin (GJH) lotutako gaiak jorratuko dituzte, eta 6 ECTS krediturekin aitortu ahal izango dira, gehien dela.
Kantabriako Unibertsitateko Paraninfoa izan da batzordearen bilera honen egoitza. Eva Ferreira Euskal Herriko Unibertsitateko errektoreak egin die ongietorria bertaratuei, Ángel Pazos Carro errektore anfitrioiarekin batera. Bederatzi unibertsitate bazkideetatik etorritako 18 lagunek hartu dute parte bileran, bai eta Murtziako Unibertsitatetik ere, berori lankidea baita.
Ikaskuntza Zerbitzurako sarea (ApS), Unibertsitateen G-9 Taldearena
Era berean, erabaki da Ikaskuntza Zerbitzurako sarea (ApS) G-9 abian jartzea, esperientzia pedagogia, komunitateak ingurunean identifikatutako benetako beharretan oinarritutakoa. Metodologia horretan, unibertsitateko ikasleek titulazioko gaitasunetan jasotako edukiak ikasten dituztelarik, aldi berean zerbitzu bat eskaintzen diote komunitateari. "Eredu honetan, ikasleak egiazko aldaketa eragiletzat hartzen dira eta, hortaz, ikaskuntza-prozesuak onura soziala dakar berariaz" adierazi du Eva Ferreira errektoreak.
Elkarretaratzean ere aztertu da unibertsitate bazkideetan titulu ofizialek irailaren 28ko 822 Errege Dekretura egokitzeko duten egoera, unibertsitate irakaskuntzen antolamendua eta kalitatea bermatzeko prozedura ezartzen baititu. Azkenik, Irakaskuntza Berrikuntzako Unibertsitate arteko I. G-9 Jardunaldiaren proposamena jaso da.
G9 unibertsitate taldea
G9 unibertsitate taldea elkarte bat da, 1997an sortua, zein bere autonomia erkidegoan unibertsitate publiko bakarra diren unibertsitateek osatua: Kantabriako Unibertsitatea, Gaztela-Mantxako Unibertsitatea, Extremadurako Unibertsitatea, Balear Uharteetako Unibertsitatea, Errioxako Unibertsitatea, Oviedoko Unibertsitatea, Euskal Herriko Unibertsitatea, Nafarroako Unibertsitate Publikoa eta Zaragozako Unibertsitatea, bai eta Murtziako Unibertsitatea eta Burgosko Unibertsitatea ere, unibertsitate lankide gisa.