Description

Esperientzia(K) ekimenaren hurrengo saioa, maiatzaren 7an izango da Letren Fakultatean. Esperientziak izeneko ekimena UPV/EHUren Esperientzia Gelen ekimena da, gure inguruko hainbat eragilerekin elkartzeko foro gisa planteatzen da, bertan egungo hainbat gizarte gaiei buruz hausnartzeko eta jakintza eta Esperientziak -pluralean- partekatzeko asmoz. 

Saio honetan ELIKA-Nekazaritzako Elikagaien Segurtasuneko Euskal Fundazioko kudeatzaile zuzendaria den Arantza Madariagak hartuko du parte: ‘Luchando contra el desperdicio alimentario’ [‘Elikagaien alferrikaltzearen aurkako borroka’] izeneko hitzaldiarekin. Hitzaldiaren ondoren, galderak egiteko eta eztabaidatzeko tartea egongo da. 

Sarrera librea izango da aretoaren edukiera bete arte.