Description

Arabako Esperientzia Gelek eta ACAEXA/AEIKE elkarteak hitzaldia antolatu dute, "Artea ezkutatzen duen kimika" izenburupean. Oskar Gonzalez Mendia UPV/EHUko Arte Ederren Fakultateko Kimika irakasleak eta dibulgazio zientifikoaren zale amorratuak eskainiko du hitzaldia, bereziki Zientzien eta Arteen arteko loturari buruz.

Gainera, ‘Por qué los girasoles se marchitan’ [Zergatik dira ekiloreak zimeltzen] liburuaren egilea da, non eta artearen munduak ezkutatzen dituen misterioetako batzuk jasotzen baitira, zientziaren laguntzaz konpon ditzakegunak, ez bestela.

Hitzaldia martxoaren 29an izango da, 19:10etan, UPV/EHUren Letren Fakultateko Areto Nagusian (Unibertsitateko pasealekua, 5, Vitoria-Gasteiz).

Sarrera doakoa da, auditorioko edukiera bete arte.