Description

Ostiralean, abenduak 17a, Bilboko Hezkuntza Fakultatean Hezkuntzarako VI. App Azoka egingo  da. Aurtengo edizioan Bilboko Ingenieritza Eskolako eta Bilboko Hezkuntza Fakultateko ikasleak elkarlanean aritu dira 8 app sortzeko; horien helburua da haurrak alarma klimatikoaren inguruan kontzientziatzea. Sortutako app-ak Google Play-n daude eskuragarri.

Aurreko edizioetan bezala, UPV/EHUko ikasleek talde kooperatibo eta heterogeneoetan lan egin dute, bai beren titulazioengatik, bai beren ezagutza eta esperientziengatik. IKTen erabileran oinarritutako ezagutza-arlo desberdinetako ikasleen arteko lankidetza bizia ekarri du horrek, eta, horrez gain, gizartearentzako teknologia bera garatzen lagundu du, garatutako app-ak Google Play-n doan baitaude.

Tradizioari jarraituz, edizio honetan ere Google App-en kalifikazio onenak eta deskarga gehien lortzen dituen aplikazioa aukeratu eta sarituko da, 2021eko TxAAPelduna sariarekin.

Azokan proiektuak standetan aurkeztuko dira, ikasleek beraiek egindako poster eta tutorialen bidez. Ekitaldiaren webgunean bideo-tutorialak ikus daitezke eta Google Play-n sartu Android gailuetan app-ak instalatzeko.

Hezkuntza kooperatiboan eta teknologiaren erabilera intentsiboan oinarritutako proiektu hau 2020ko STEAM Euskadi Sariak deialdian finalista izan zen, aipamen espezifiko bat eta STEAM Euskadi zigilua eman zitzaizkien.

Informazio gehiago: https://feriadelapp.wixsite.com/edicion6