"Segunda Lengua II: Lengua Alemana" irakasgaia adarreko oinarrizko irakasgai bat da, 2. mailan ematen dena Ingeles Ikasketetako Graduan, Euskal Ikasketetako Graduan, eta Filologiako Graduan. "Segunda Lengua I: Lengua Alemana" irakasgaiaren jarraipena da, eta ikasleak prestatzen ditu "Segunda Lengua III: Lengua Alemana" eta "Segunda Lengua IV: Lengua Alemana" irakasgaiak egiteko, biak ere hautazko irakasgaiak aipatutako graduen 3. mailan. Guztiek eratzen dute "Segunda Lengua: Lengua Alemana" modulua.



Gomendagarria da "Segunda Lengua I: Lengua Alemana" irakasgaia gaindituta edukitzea, "Segunda Lengua II: Lengua Alemana" irakasgaia zailtasunik gabe egin eta gainditu ahal izateko. Irakasgai hori amaitzean, ikasleak Hizkuntzen Europako Erreferentzia Marko Bateratuko (HEEMB) A2.1 maila edukiko du, eta oinarrizko prestakuntza eskuratuko du hainbat jarduera profesionaletan aritzeko, hala nola irakaskuntzan, itzulpengintzan, nazioarteko merkataritzan eta turismoan.

A. GAITASUNAK



A1. INGELES IKASKETETAKO GRADUA



Gaitasun espezifikoak

M01CM02 - Gai izatea bigarren hizkuntza bat jariotasunez hitz egiteko eta idazteko; M09CM01 - Alemana ahoz eta idatziz erabiltzea eta ahozko eta idatzizko adierazpen egokia lortzea; M09CM03 - Alemanaren gramatika egitura ezagutzea eta hura analizatzeko gai izatea, aztergai diren hizkuntzen ezaugarri kontrastiboak ulertzeko; G006 - Gai izatea testu konplexuen ideia nagusiak ulertzeko bigarren hizkuntza batean, eta erraz eta jariotasunez mintzatzea eta idaztea hizkuntza horretan.



Zeharkako gaitasunak

G007 - Gai izatea graduaren ezagutza espezifikoa beste arlo eta diziplina batzuekin erlazionatzeko eta transmititzeko, gerora egingo diren ikasketetan aplikatzeko eta hizkuntza eta kultura aniztasunaren inguruko jarrera integratzaileak eta toleranteak bultzatzeko; G008 - Gai izatea modu autonomoan eta taldean lan egiteko, eskuratutako teknikak eta tresnak erabilita.



A2. EUSKAL IKASKETETAKO GRADUA



Gaitasun espezifikoak

M01CM02 - Gai izatea bigarren hizkuntza bat jariotasunez hitz egiteko eta idazteko; M10CM01 - Alemana ahoz eta idatziz erabiltzea eta ahozko eta idatzizko adierazpen egokia lortzea; M10CM03 - Alemanaren gramatika egitura ezagutzea eta hura analizatzeko gai izatea, aztergai diren hizkuntzen ezaugarri kontrastiboak ulertzeko; G006 - Bigarren hizkuntza bat erabiltzea hainbat testuingurutan eta hizkuntza horren literaturaren eta kulturaren ezaugarri nagusiak ezagutzea.



Zeharkako gaitasunak

G007 - Bakarka eta lankidetzan aritzea diziplina bereko edo diziplina anitzeko taldeetan.



A3. FILOLOGIAKO GRADUA



Gaitasun espezifikoak

M01CM03 - Gai izatea testu konplexuen ideia nagusiak ulertzeko bigarren hizkuntza batean; M18CM01 - Alemana ahoz eta idatziz erabiltzea eta ahozko eta idatzizko adierazpen egokia lortzea; M18CM03 - Alemanaren gramatika egitura ezagutzea eta hura analizatzeko gai izatea, aztergai diren hizkuntzen ezaugarri kontrastiboak ulertzeko; G002 - Beste hizkuntza osagarri bat(zuk) ahoz eta idatziz erabiltzea eta haien kultur testuingurua ezagutzea.



Zeharkako gaitasunak

G005 - Gai izatea etengabe ikasteko eta ezagutzak eguneratzeko, eta problemak planteatu eta ebazteko, bakarka eta taldean, nork bere proiektu akademiko eta profesionala dibertsitatean eta kultur aniztasunean oinarrituta garatzeko; G008 - Filologiari buruzko gai espezifikoak erlazionatzea beste arlo eta diziplina batzuekin.



B. IKASKUNTZA EMAITZAK



Helburua da ikasleek alemaneko A2.1 maila lortzea, HEEMBren arabera, ondoren aipatzen diren ikaskuntza emaitzetan oinarrituta; horiek gradu bakoitzaren gaitasun espezifikoekin (parentesi artean adieraziak) lotuta daude.



RA1 - AHOZKOAREN ULERMENA

RA1a) Ulertzen ditu eguneroko beharrei (adibidez, oinarrizko informazio pertsonal eta familiarra, erosketak, bizilekua, helbideak, garraioa, enplegua) buruzko esaldiak/esapideak/aginduak, baldin eta diskurtsoa argi eta geldo egituratzen bada; RA1b) Funtsezko informazioa ondorioztatzen du mezu laburretatik edo grabatutako pasarte motzetatik, eguneroko gai aurresangarriei buruzkoak badira eta geldo eta argi ahoskatu badira.



RA2 - IDATZIZKOAREN ULERMENA

RA2a) Ulertzen ditu gutun/email/testu labur eta sinpleak, pertsonalak edo eguneroko gaiei edo lanari loturikoak (inprimakiak, eskaerak, berrespen gutunak, etab.), baita ohiko hiztegiarekin eta nazioarteko terminoekin loturikok ere; RA2b) Ulertzen ditu leku publikoetako (kaleak, jatetxeak, tren geltokiak eta lantokiak) seinale eta abisu sinpleak; adibidez, helbide erakusleak, instrukzioak, arrisku abisuak, segurtasun arauak...; RA2c) Identifikatu egiten du informazio espezifikoa egunero erabiltzen den material idatzian; hala nola, iragarkietan, prospektuetan, jatetxeetako menuetan, zerrendetan, ordutegietn eta egunkarietako artikulu laburretan.



RA3 - MINTZAMENA

RA3a) Gai da eguneroko gaiei buruzko solasaldietan parte hartzeko, galderak eginez eta erantzunez, baldin eta esaldiak errepikatzen badira eta berformulazioak eta zuzenketak egiten badira; RA3b) Deskribapen edo aurkezpen sinpleak egiten ditu, pertsonenak, bizitza edo lan baldintzenak nahiz eguneroko jarduerenak; RA3c) Era sinple eta egituratuan trukatzen ditu ideiak eta informazioa zaletasunei, lanari eta denbora libreari buruz, eta ados jartzen da solaskidearekin (adibidez, zinera joateko).



RA4 - IDAZMENA

RA4a) Gai da perpaus elkartuetan oharrak/emailak/testu labur eta sinpleak idazteko, inguruko eguneroko gaiei buruzkoak (pertsonak, lekuak, ikasketa edo lan esperientzia bat); RA4b) Deskribapen laburrak eta oinarrizkoak idazten ditu familiari, bizitza baldintzei, ikasketei, lanari eta gertakizunei, iraganeko jarduerei eta esperientzia pertsonalei buruz; RA4c) Biografia imajinario eta poema sinple eta laburrak idazten ditu.

IKASKUNTZA EMAITZAK - JARRAIPENA



RA5 – GRAMATIKA

RA5a) Gramatika egitura errazak erabiltzen ditu, oinarrizko akatsak eginez sistematikoki (adibidez, aditzaren posizioa edo sustantiboen generoa); RA5b) Ikasitako gramatika erabiltzen du ulermen eta adierazpen prozesuetan.



RA6 – HIZTEGIA

RA6a) Eguneroko bizitza eta jardueretarako behar den gutxieneko hiztegia erabiltzen du; RA6b) Ikasitako gramatika erabiltzen du ulermen eta adierazpen prozesuetan; RA6c) Eraginkortasunez erabiltzen ditu alemanezko hiztegi elebidunak.



RA7 – FONETIKA/FONOLOGIA

RA7a) Nahiko argi eta era ulergarrian ahoskatzen du, azentu atzerritar nabarmen batekin bada ere, eta solaskideek errepikatzeko eskatu behar diote noizbehinka; RA7b) Modu oinarrizko batean alderatzen ditu alemanaren sistema fonetikoak eta fonologikoak bere lehenengo atzerriko hizkuntzarekin (ingelesa) eta ama hizkuntzarekin (euskara, gaztelania).



RA8 – KULTURA ETA GIZARTEA

RA8a) Identifikatzen ditu Alemaniako historia, kultura eta zibilizazioaren elementuak eta ulermen prozesuetan aplikatzen ditu; RA8b) Jarrera positiboa eta kritikoa du alemanak inplizituki eta esplizituki transmititzen dituen alderdi soziokulturalekiko.



RA9 – TIC (Informazioaren eta Komunikazioaren Teknologiak)

Gai da erabiltzeko alemanaren ikaskuntza eta irakaskuntzari lotutako baliabide elektronikoak.



RA10 – IKASKUNTZA AUTONOMOA

Jakitun da bere ikaskuntzaz arduratzeko duen beharraz eta komenigarritasunaz, eta bere kabuz ikasteko ohitura du.



________________________________________________________________________________________________



3. EDUKI TEORIKO-PRAKTIKOAK



HEEMBren arabera, alemanezko A1.2 eta A2.1 mailei dagozkien lau trebetasunen edukiak.



3.1. KOMUNIKAZIO EDUKIAK



Bidaiatzea eta bidaiatzeko moduak.

Erakargarri turistikoak, helbideei buruzko argibideak, kulturarteko desberdintasunak eta artea eta pintura.

Aisia eta zaletasun pertsonalak.

Hedabideak eta giza harremanak.

Irudia eta moda.

Zoologikoa eta animaliak.

Eguraldia.



3.2. GRAMATIKA EDUKIAK



1. PRONOMEN/DETERMINATIVA: Indefinitpronomen ("etwas", "nichts", "alle", "man"), Personalpronomen im Dativ, Bestimmter/unbestimmter Artikel, Negativ- und Possessivartikel im Dativ, Possessivartikel im Nominativ, Akkusativ und Dativ, Reflexivpronomen im Akkusativ und Dativ. Demonstrativartikel.



2. VERBEN: Perfekt (unregelmäßige, regelmäßige und gemischte Verben; Verben mit trennbaren/untrennbaren Präfixen), Imperativ (formell, informell, Vorschläge), Präsens (etorkizuna adierazteko), Verben mit Dativergänzung, "werden", Präteritum-Modalverben, Konjunktiv II.



3. NOMEN: n-Deklination (im Nominativ, Akkusativ und Dativ), aus Adjektiven nach "etwas" und "nichts", aus dem Infinitiv von Verben, Zusammensetzungen.



4. ADJEKTIV: Adjektivdeklination im Nominativ, Akkusativ und Dativ (nach unbestimmtem Artikel, Negativ- und Possessivartikel / nach bestimmtem Artikel / ohne Artikel); prädikative Vergleiche (Komparativ und Superlativ); Vergleiche mit "so/genauso...wie", "nicht so...wie, als".



5. WORTSTELLUNG: Stellung von Dativ- und Akkusativergänzung.



6. PRÄPOSITIONEN: Lokale Präpositionen mit Dativ (Wo?), mit Akkusativ (Wohin?), mit Dativ / Akkusativ, Richtungsangaben mit Dativ / Akkusativ, Wechselpräpositionen.



7. MODALPARTIKELN: "doch", "mal", "doch mal".



8. SATZ: "aduso"-Konnektoren ("aber", "denn", "und", "sondern"), "nicht/kein..., sondern", Nebensätze ("weil", "dass", "wenn", "als"), indirekte Fragesätze mit "ob".





9. LEXIKOA: Testuliburuko lexikoa landuko da nagusiki, eta hiztegia egoki erabiltzen ikasiko da.



10. FONETIKA: Testuliburuko soinuak landuko dira nagusiki, eta arazo handienak sortzen dituztenak ikuspegi kontrastibo batetik.

Ikasgelan, Motive (A1.2 eta A2.1) eskuliburua erabiliko da oinarrizko gida metodologiko gisa, irakaslearen azalpen eta baliabide askotarikoen bidez osatua, metodologia aktiboetan oinarrituta irakasteko; hau da, ikaslean oinarritutako irakaskuntza, ikaskuntza hartzen duena prozesu eraikitzailetzat (ez-harkorra), autozuzendua, ahalik eta testuinguru errealenean gauzatu behar dena.



Jarduera nagusiak, aurrez aurrekoak nahiz ikasgelaz kanpokoak, honako hauek izango dira:



- Ahozko testuak entzutea/ikus-entzunezko material errazak ikustea, komunikazio egoera (pseudo)benetakoetatik eratorritakoak.

- Ereduetan oinarritutako testu erraz (pseudo)benetakoak irakurtzea.

- Komunikazio egoera errealen ereduetan oinarritutako ahozko testu errazak sortzea.

- Eredu (pseudo)benetakoetan oinarritutako testu errazak idaztea.

- Idatzizko testuak ahoz gora irakurtzea.

- Ariketak ahoz zuzentzea.

- Irakaslearen azalpen gramatikalak.

- Gramatika ariketak egitea eta hainbat motatako hiztegiak ikastea.

- A2 mailako liburu labur bat bakarka irakurtzea.

- Aplikazio informatikoak erabiltzea hiztegia ikasteko.

- Alemana hitz egiten den herrialdeetako kulturari buruzko lanak egitea: alemanezko kantei buruzko lana, herrialde aleman hiztunen kulturari buruzko eztabaidak, ekarpenak eGelaren foroetan.



Jarduerak banaka, bikoteka eta/edo taldeka egingo dira, osasun-egoerak ahalbidetzen duen neurrian. Akatsak, ikasteko funtsezko tresnatzat hartuko dira, ikasleek horiek egiteko beldurra gal dezaten.



Aurrez aurreko 60 irakaskuntza orduez gainera, 90 ordu gutxi gorabehera erabili beharko ditu ikasleak ikasgelaz kanpoko jardueretan. Hortaz, ikasleen lan autonomoa sustatuko da, nork bere gain hartzea ikastearen erantzukizuna. Irakaslea prest egongo da prozesu horretan (edo ikasgelan) sortutako edozein zalantza argitzeko, tutoretza orduetan (kontsultatu GAURen). Beraz, komeni da tutoretzetara erregulartasunez joatea.



eGela plataforma funtsezko tresna izango da ikasgelaz kanpoko jardueretarako. Irakasgaia plataforma horretan egongo da birtualki, eta horrek bultzatuko ditu ikasleak beren kabuz ikastera eta IKTak erabiltzera.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 30
  • Ahozko defentsa (%): 10
  • Banakako lanak (%): 50
  • Bertaratze eta parte-hartze aktiboa (%): 10

Ikasleak BI EBALUAZIO SISTEMAren artean aukeratu ahalko du:



A) EBALUAZIO JARRAITUA: gutxienez saioen % 60ra joaten diren ikasleei aplikatu ahal zaie.



Gaitasunak tresna hauek kontuan hartuta ebaluatuko dira, horietako bakoitzari azken notaren ehuneko jakin bat esleituta:



- Ebaluazio jarraitua: irakasgaiaren notaren % 60.



- Banakako lanak: % 50



- Parte hartze aktiboa: asistentzia (gutxienez % 60) eta jarrera, hautazko lanak egitea, etab.: (%10)



- Azken proba: ikasgaiaren nota osoaren % 40. Atal hauek izango ditu:



- Ahozko azken proba: (% 10)

- Idatzizko azken proba: (% 30)



Ebaluazio irizpideak:



Idatzizkoari dagokionez: konjugazio eta deklinabidean zuzentasuna; hiztegiaren erabilera egokia; egitura sintaktikoen erabilera egokia; ortografia zuzena; testu mota ezberdinei dagozkien arauak modu egokian erabiltzea; eginkizunari dagokion forma eta eduki zuzenak erabiltzea.



Ahozkoari dagokionez: jariotasuna; egituraketa gramatika zuzena; ahoskera.



Azken kalifikazioa ebaluazioaren aipatutako zati bakoitzaren ehunekoa kontuan hartuta eskuratuko da, baina beharrezkoa da horietako bakoitza bere aldetik gainditzea, ikasgaia gainditu ahal izateko. Hala izan ezean, azken nota gainditu gabeko ebaluazio tresna edo tresnetan izandako emaitzetatik aterako da.



EBALUAZIO JARRAITUARI UKO EGITEA:



Ebaluazio jarraituko sisteman parte hartu ezin duen ikasleari dagokionez, eskuraturiko konpetentziak eta ezagutzak erakutsi ahalko ditu lauhilekoaren amaieran proba bakar bat eginez. Proba horrek ikasgaiaren notaren % 100 balioko du. Kasu horretan, ikasleak irakasgaiaren arduradun den irakasleari idatzi bat aurkeztu behar dio gehien jota 9 asteko epean, lauhilekoaren hasieratik zenbatzen hasita ikastegiko egutegi akademikoa kontuan hartuta.



B) AZKEN EBALUAZIOA: ebaluazio jarraituari uko egin dioten ikasleei aplikatu ahal zaie. Ikasle hauek lauhileko amaierako proba bakar bat egingo dute, fakultateak horretarako finkatutako egunetan. Beren gaitasunak tresna hauek kontuan hartuta ebaluatuko dira, horietako bakoitzari azken notaren ehuneko jakin bat esleituta:



- Idatzizko azken proba (%80): entzundakoaren ulermena, irakurritakoaren ulermena, idazmena eta gramatika



Ebaluazio-irizpideak: entzundakoaren ulermen egokia; irakurritakoaren ulermen egokia; zuzentasun gramatikala; hiztegia; sintaxia; ortografia; lanaren edukia eta forma egokiak izatea.



- Ahozko azken proba (%20): idatzizko proba amaitutakoan egingo da.



Irizpideak: zuzentasun gramatikala; jarioa; hiztegia; lanaren edukia eta forma egokiak izatea; ahoskera.



Azken kalifikazioa ebaluazioaren aipatutako zati bakoitzaren ehunekoa kontuan hartuta eskuratuko da, baina beharrezkoa da horietako bakoitza bere aldetik gainditzea, ikasgaia gainditu ahal izateko. Hala izan ezean, azken nota gainditu gabeko ebaluazio tresna edo tresnetan izandako emaitzetatik aterako da.



BI SISTEMETARAKO OHARRAK:



a. OHIKO DEIALDIARI UKO EGITEA



Deialdiari uko egiten dioten ikasleek «ez aurkeztua» kalifikazioa jasoko dute.



EBALUAZIO JARRAITUAREN SISTEMAKO IKASLEENTZAT: ikasleak deialdiari uko egin ahal izango dio, dagokion irakasgaiaren irakaskuntza aldia bukatu baino gutxienez hilabete lehenago. Uko egite hori idatziz aurkeztu beharko zaio irakasgaiaren irakasle arduradunari.



AZKEN EBALUAZIOAREN SISTEMAKO IKASLEENTZAT: azterketen data ofizialetan zehaztutako probetara ez aurkezteak deialdi horri automatikoki uko egitea ekarriko du.



b. MATERIALAK, TRESNAK ETA BALIABIDEAK ERABILTZEA



Entregatu edo zuzendu beharreko idazlanen bat gelan eginez gero, ikasleak hiztegi elebiduna (on-line edo paperean), testu-liburua eta gelako apunteak soilik erabili ahalko ditu. Haatik, tarteko probetan nahiz azken azterketan (idatzizkoan nahiz ahozkoan) ezin izango da bitarteko bibliografikorik erabili ezein euskarritan (hiztegiak, gramatikak, kontsultarako obrak), ez gailu elektroniko eramangarririk (mugikorrak, ordenagailuak, tabletak), ezta ikasleak bildutako edo irakasgaiaren arduraduna den irakasleak emandako materialik ere (klaseko apunteak, fotokopiak...).



c. IRUZURREZKO PRAKTIKAK



Halaber, edozein probatan kopiatu egin dela egiaztatuz gero, tartean sartuta dauden ikasle guztiei «gutxiegi» kalifikazioa jarriko zaie, bakoitzari dagokion erantzukizuna alde batera utzi gabe. Pertsona bat kopiatzen ari dela proban bertan egiaztatuz gero, momentuan bertan proba egiteari uzteko agindu ahal izango zaio. Era berean, edozein ebaluazio-probatan iruzurrezko praktika nabarmena (plagioa, kopia, nortasuna ordezkatzea, etab.) gertatu dela antzemango balu, irakasleak lan horri «gutxiegi» kalifikazioa jarri ahalko dio.



d. KALIFIKAZIOA BERRIKUSTEA:



Behin behineko kalifikazioa GAURen argitaratzean, kalifikazioa berrikusteko data ofizial bakarra argitaratuko da, eta data horretatik kanpo ez da berrikuspenik egingo.

Ebaluazioa AMAIERAKO EBALUAZIO SISTEMA bidez egingo da soil-soilik.

Gaitasunak eta ikaskuntza emaitzak ondoko tresnen bidez ebaluatuko dira, eta adierazitako amaierako notaren ehunekoa esleituko zaio tresna bakoitzari:



- AMAIERAKO PROBA IDATZIA - %80*

Testu ulermen ariketa (RA2b, RA2b, RA2c, RA6b), entzumen ariketa (RA1b, RA6b), gramatikari eta hiztegiari buruzko askotariko ariketak (RA5a, RA5b, RA6b), nahitaezko liburu baten bakarkako irakurketaren kontrol ariketa (RA8a, RA9, RA10), idazlana (RA4, RA5, RA6c, RA9)



- AMAIERAKO AHOZKO PROBA - %20*

Bakarrizketa jarraitua (RA3b, RA5a, RA5b, RA6a, RA6b, RA7a), bi hautagaien arteko elkarrizketa (RA1a, RA3a, RA3c, RA5a, RA5b, RA6a, RA6b, RA7a)



*Irakasgaia gainditzeko, bi atalak gainditu beharko ditu ikasleak (amaierako idatzizko proba eta amaierako ahozko proba). Bestela, amaierako nota gainditu gabeko ebaluazio tresna edo tresnen nota edo notetatik ondorioztatuko da soilik.



AURREZ AURREKOA EZ DEN EBALUAZIO-AUKERA: osasun-egoerak ebaluazioa aurrez aurre egitea eragotziko balu, azken probak telematikoki egingo lirateke.



BI DEIALDIETAN KONTUAN HARTU BEHARREKO OHARRAK:



a. EBALUAZIO IRIZPIDEAK

- Formaren eta edukiaren egokitasuna lanak/probak egitean.

- A1.2 eta A2.1 (HEEMB) mailei dagokien zuzentasun maila gramatikan, hiztegian, ortografian, ahoskeran, ahozko eta idatzizko jariotasunean, eta ahozko eta idatzizko ulermenean.



b. UKO EGITEA AZKEN AMAIERAKO EBALUAZIOARI

Deialdiari uko eginez gero, ez-aurkeztua kalifikazioa emango da.

Ikaslea azterketen data ofizialean ezarritako probara aurkezten ez bada, deialdiari uko egin zaiola ulertuko da.



c. MATERIALAK ETA BALIABIDEAK ERABILTZEA

Bi probak egitean, ezin izango da erabili baliabide bibliografikorik (hiztegiak, gramatikak, kontsultarako obrak), gailu elektroniko eramangarririk (mugikorrak, ordenagailuak, tabletak) edo ikasleak bildutako edota irakasgaiaren irakasle arduradunak emandako materialik (klaseko apunteak, fotokopiak, etab.).



d. IRUZURREZKO PRAKTIKAK

Proba batean kopiatu egin dela frogatzen bada, ez-gainditutzat kalifikatuko da iruzurra egin duen ikaslearen (edo ikasleen) azterketa, dagokion erantzukizunaren kalterik gabe. Iruzurra proba egin bitartean frogatzen bada, azterketa utzi beharko du iruzurgileak.

Gainera, ebaluazio tresna bat zuzentzean agerian gelditzen denean iruzur egin dela eta horrek eragina izan duela emaitzan (plagioa, kopiaketa, nortasun ordezpena, etab.), lana suspenditu ahal izango da, arrazoiak behar bezala azalduta.



e. KALIFIKAZIOAK BERRIKUSTEA

Amaierako kalifikazioak GAURen argitaratu ondoren, haiek berrikusteko data ofiziala finkatuko da, eta hortik kanpo ez da kalifikaziorik berrikusiko.

- Krenn, Wilfried und Herbert Puchta (2015): MOTIVE. Kompaktkurs DaF.
Kursbuch A1. Hueber: München. ISBN 978-3-19-001880-2

- Krenn, Wilfried und Herbert Puchta (2015): MOTIVE. Kompaktkurs DaF.
Arbeitsbuch A1. Hueber: München. ISBN 978-3-19-031880-3


- Krenn, Wilfried und Herbert Puchta (2015): MOTIVE. Kompaktkurs DaF.
Kursbuch A2. Hueber: München. ISBN 978-3-19-001881-9

- Krenn, Wilfried und Herbert Puchta (2015): MOTIVE. Kompaktkurs DaF.
Arbeitsbuch A2. Hueber: München. ISBN 978-3-19-031881-0

- Hiztegi elebiduna.

- Irakasleak prestatutako materialak, kopien edo eGelaren bidez emango direnak.

- Leichte Lektüre.

- Material digitala (Quizlet, Kahoot eta abar).

Oinarrizko bibliografia

Fandrych/Tallowitz (2012): Klipp und Klar. Übungsgrammatik Grundstufe Deutsch. Klett: Stuttgart.



Fandrych / Tallowitz (2002): Sage und schreibe. Übungswortschatz Grundstufe Deutsch. Klett: Stuttgart.

Gehiago sakontzeko bibliografia

Billina, Anneli (2012): Hören & Sprechen A2. Ismaning: Hueber.

Buscha, Anne / Szita, Szilvia (2010): A Grammatik. Übungsgrammatik DaF. Sprachniveau A1-A2. Leipzig: Schubert-Verlag.

Castell, Andreu/Braucek, Brigitte (2007): Ejercicios. Gramática de la lengua alemana. Madril: Ed. Idiomas.

Clamer, Friedrich/Heilmann, Erhard G. (2007): Übungsgrammatik für die Grundstufe: Arbeitsheft. Regeln, Listen, Übungen. Niveau A2 - B2. Meckenheim: Liebaug-Dartmann.

Dinsel, Sabine/Geiger, Susanne (2009): Großes Übungsbuch Deutsch - Grammatik. Ismaning: Hueber.

Dreyer, Hilke/Schmitt, Richard (2009): Lehr- und Übungsbuch der deutschen Grammatik. Ismaning: Verlag für Deutsch.

Helbig, Gerhard/Buscha, Joachim (1992): Übungsgrammatik Deutsch. Berlin/München: Langenscheidt.

Hering, Axel et al. (2009): Übungsgrammatik für die Mittelstufe: Deutsch als Fremdsprache. Ismaning: Hueber.

Hohmann, Sandra (2011): Einfach sprechen! A2-B1: Deutsch als Zweit- und Fremdsprache. Übungsbuch mit Audio-CD. Klett: Stuttgart.

Lemcke, Christiane (2006): Wortschatz Intensivtrainer A1. Berlin: Langenscheidt.

Lemcke, Christiane (2008): Wortschatz Intensivtrainer A2. Berlin: Langenscheidt.

Luscher, Renate (1998): Übungsgrammatik DaF für Anfänger. Hueber: Ismaning.

Reimann, Monika (2011): Grundstufen-Grammatik für DaF. Hueber: Ismaning.

Rusch/Schmitz (2007): Einfach Grammatik - Übungsgrammatik A1 bis B1. Langenscheidt: Berlin.

Aldizkariak

Revistas de interés general:
- Deutsch Perfekt
- DE Magazin Deutschland
- Kulturaustausch. Zeitschrift für internationale Perspektiven.
- Zeit Campus

Revistas científicas:
- Fachdienst Germanistik. Sprache und Literatur in der Kritik deutschsprachiger Zeitungen.
- Jahrbuch für internationale Germanistik
- Zeitschrift für Germanistik

Web helbideak

eGela:
https://egela.ehu.es/

Pons Online-Wörterbuch DaF:
http://de.pons.com/%C3%BCbersetzung?l=dedx

Pons Online-Wörterbuch DE-ES:
http://de.pons.com/%C3%BCbersetzung?l=dees

Canoonet - Deutsche Wörterbücher und Grammatik:
http://www.canoo.net

LearningApps:
https://learningapps.org/

Tandem:
http://www.seagull-tandem.eu/

Online-Aufgaben Schubert Verlag:
http://www.aufgaben.schubert-verlag.de/arbeitsblaetter_a1_z/a1_arbeitsblaetter_index_z.htm

Deutsch lernen, üben, testen & trainieren:
http://www.allgemeinbildung.ch/fach=deu/=deu.htm

World Wide Web Sites for German:
https://www.mtholyoke.edu/acad/germ/workshops/urls/index.html

Nachrichtenleicht:
http://www.nachrichtenleicht.de/startseite.1899.de.html