Estatistika M01 moduluaren oinarrizko prestakuntza barruan kokatzen da. Ikasgaia bigarren mailako lehenengo lauhilekoan dago, ikasleak matematikako oinarrizko prestakuntza eskuratu eta gero.



Ikerketa enpirikoaren bidez eta eredu estatistikoak erabiliz konklusio arrazionalak lortzea du helburu. Horretarako probabilitatearen oinarriak, zorizko aldagaia eta inferentzia kontzeptuak, laginketa teoría eta hipotesi aldaketaren oinarriak aurkezten dira.



Ikasleak estatistika profesionalei orokorrean eta ingeniariei bereziki zalantzaren efektuak lehuntzeko tresna ezinbestekoa dela ikasiko du.



Ikasleak jakin beharko luke estatistika ezinbesteko tresna izan dela aurrerapen teknologikoaren garapenean eta era berean aurrerapen honek metodo estatistikoen garapena ere bultzatu duela hainbat arlo ezberdinetan erabili ahal izateko.



Laginketa prozesuetan, saiakeren diseinuetan eta orokorrean datuen tratamenduen bidez lortutako emaitzak fidagarriak direla bermatzen du Estatistikak.

1- GAITASUNA: Ingeniaritzako problema matematikoak ebazteko Gaitasuna. Gaitasuna gai hauei buruzko ezagutzak aplikatzeko: aljebra lineala; geometria; geometria diferentziala; kalkulu

diferentziala eta integrala; ekuazio diferentzialak eta deribatu partzialekoak; zenbakizko

metodoak; zenbakizko algoritmoak; estatistika eta optimizazioa.



2- GAITASUNA: Ikaslea gai izatea datu garrantzitsuak biltzeko eta interpretatzeko (beren ikasketa-arloaren barnean, normalean), gizarteari, zientziari edo etikari loturiko gai garrantzitsuei buruzko gogoetak barne hartzen dituzten iritziak emateko.



3- GAITASUNA Ingeniaritza arloan arazoak nork bere ekimenez konpontzeko, erabakiak hartzeko, irudimena garatzeko, arrazoibide kritikoa erabiltzeko eta jakintzak, gaitasunak eta trebetasunak transmititzeko gaitasuna.



Ikasgaia ikastearen Emaitzak:



Arazoak ebaztea eta ezagutzaren aplikazioa oinarrizko estatistika-tresnetan arreta jarriz, datuen eta informazioaren tratamenduan logikoki arrazoitzeko eta ziurgabetasunaren aurrean erabakiak hartzeko, software estatistikoa erabiltzea ingeniaritzan sor daitezkeen arazoak konpontzeko.

EDUKI TEORIKOAK

1go gaia: Probabilitatearen teoria (Axiomak eta probabilitateen kalkulua)

2. gaia: Zorizko aldagaiak eta bere ezaugarriak

3. gaia: Probabilitate banaketa ereduak

4. gaia: Inferentzia estatiskoaren oinarriak: Laginketa teoria

5. gaia: Balioztatze teoria

6. gaia: Hipotesi alderaketa



MINTEGIAK

1. mintegia: Estatistika deskriptiboa

2. mintegia: Estatistikaren Erabilera eta Ohiko akatsak



ORDENAGAILU PRAKTIKAK

1. praktika: Estatistika Deskriptiboa



2. praktika: Probabilitate banaketa nagusiak

3. praktika: Konfiantza tarteak eta hipotesien alderaketa



Binaka egin beharreko 1. lana (Entregatu beharrekoa I): Datuen Deskribapena.

Binaka egin beharreko 2. lana (Entregatu beharrekoa II): Probabilitate banaketa nagusiak

Ikasgaiak 6 ECTS kreditu ditu beraz ikasleari 150 lan ordu eskatzen dio.



Ikasleak betebeharreko lanak hauek dira:



Ikasgelako eskola-orduak: 60 ordu



Metodologia ezberdinak erabiltzen dira baina ikasgaiaren izaeragatik Ariketen Ebazpena da erabiliena. Kasu praktiko horiek ebazteko beharrezkoak diren tresnak azaltzeko eta emaitzen interpretazio egokia egiten ikasteko klase magistralak erabiliko dira eduki teoriko zehatzekin.

Ariketen ebazpena ikasleen parte hartzearekin bideratuko da. Taldeka zein bakarka ebazteko ariketak aurkeztuko dira. Ariketa hauek eduki teorikoen ezagutzaren sakontzea eta estatistikarekin zerikusia duten beste esparruekin harremanetan sartzea ahalbidetuko dute. Klasean galderak eta debateak sustatuko dira ikasleak ahozko komunikazioa eta laburbiltzeko zein taldeka lan egiteko gaitasunak landu ditzan.



Ordenagailuko praktiketan Excel eta bere osagarriak erabiliko dira.



Ikasgelaz kanpoko orduak: 90 ordu

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 70
  • alde lanak (arazoen ebazpenak, proiektuen diseinuak) (%): 30

Ebaluazio frogetan kalkuluetarako, kalkulagailua soilik erabili behar da, mugikorraren erabilera edo beste edozein gailu elektroniko, hala nola tabletak, etab. ez daude baimenduta.





Ebaluaketa sistema jarraitua erabiliko da zein hiru noten batura izango den:



a) Entregatu beharreko lan bakoitzak nota finalaren %15. Ebaluaketa honen bidez lor daiteken nota maximoa 3 puntukoa da.



b) Idatzizko froga finala. Azterketa deialdi ofizialaren egunean egingo da eta eskola magistral eta gela praktikaren bitartez lorturiko ezagupideak ebaluatuko dira. Ikasgaia gainditu ahal izateko froga honetan atera beharreko nota minimoa 5ekoa da (10etik).



Idatzizko Froga finalan lortutako notaren %70a batuko zaio a) atalean lortutako notari ikasgaiaren nota finala lortuz. Idatzizko froga finalaren pisua 40% baino altuagoa denez, froga hontara ez aurkezteak, zuzuenean Ez Aurkeztua nota suposatzen du ikasgaiaren nota finalean.



Edonola ere, ikasleek ebaluaketa sistema finala egiteko eskubidea izango dute, ebaluaketa sistema jarraian partu hartu izan ala ez. Horretarako ikasleek idatzi bat aurkeztu beharko diote ikasgaiaren irakasle arduradunari, ebaluaketa jarraiaren uko egitea adieraziz. Horretarako 9 asteko epea izango du lauhilekoaren hasieratik, zentruko egutegi akademikoa oinarri hartuta.



Ebaluaketa sistema finala azterketa idatzi bat izango du oinarri, 3 zatiz osatua: eduki teorikoa, ariketa praktikoak eta mintegietako edukiak.

Ebaluazio frogetan kalkuluetarako, kalkulagailua soilik erabili behar da, mugikorraren erabilera edo beste edozein gailu elektroniko, hala nola tabletak, etab. ez daude baimenduta.



Ezohiko deialdiaren ebaluaketa finala 3 partez osatuta egongo da: eduki teorikoak, eduki praktikoak eta mintegietako edukiak. Ebaluaketa jarraiaren bitartez emaitza positiboak lortu izanez gero, berauek mantenduko dira eta hortaz ikaslea eduki teoriko eta praktikoei buruz ebaluatua izango da soilik.

“ESTATISTIKA”. I. Gurrutxaga, J. Iradi, E. Cilleruelo, I. Zamanillo. Elhuyar. (2006)

Oinarrizko bibliografia

Izenburua: Probabilidad y Estadística para Ingeniería y ciencias

Egileak: Walpole, R.E. y otros

Argitaletxea: Prentice Hall Argitalpen urtea: 2007



Izenburua: Estadística, modelos y métodos. Vol. I.

Egileak: Peña, Daniel.

Argitaletxea: Alianza Universidad Argitalpen urtea: 1991



Izenburua: Problemas de estadística

Egileak: Martín Pliego, F.J y otros.

Argitaletxea: Paraninfo Argitalpen urtea: 2011

Gehiago sakontzeko bibliografia

Izenburua: Probabilidad y Estadística para Ingeniería y ciencias
Egileak: Devore, J.L.
Argitaletxea: Thomson México Argitalpen urtea: 2005

Izenburua: Estadística
Egileak: Triola, M.F.
Argitaletxea: Pearson. Addison Wesley Argitalpen urtea: 2009

Aldizkariak

Estadística Española. INE.
Euskal Estatistika-Erakundearen publikazioak. (Eustat)
Annals of Statistics. Institute of Mathematical Statistics (IMS)
ESAIM: Probability and Statistics.
Société de Mathematiques Appliqués & Industrielles.

Web helbideak

www.seeingstatistics.com
www.estadistico.com
www.eustat.es