Irakasgaia Kimikako graduaren 3. mailan eskaintzen da eta bertan analisi instrumentalaren oinarriak eta aplikazioak azaltzen dira. Irakasgaian matrikulatzeko ez dago baldintzarik, hau da, ez du beste irakasgai bat gainditua ez izateak baldintzatzen. Irakasgai honetan jasotako edukiak Esperimentazioa kimika analitikoan irakasgaian lantzen dira modu koordinatuan kontzeptuak hobeto barneratzeko.

Irakasgairen garapen egokirako ezinbestekoak dira kimika orokorra eta kimikaren beste alorretako oinarriak edukitzea.

Irakasgaiak berebiziko garrantzia du kimikari lanetan aritzeko, batez ere metodo analitikoak garatzen direnetan.

MODULUAREN GAITASUNAK



M02CM04 Prozesu analitikoa eta berau osatzen duten urratsak ezagutzea. Kasuan kasu metodorik egokienak antolatu, aplikatu eta kudeatzeko gai izatea.

M02CM08 Substantzia kimikoen karakterizaziorako teknika instrumental desberdinak, bakunak zein konbinatuak, hautatzeko gaitasuna izatea.



DESKRIBAPENA:



Irakasgai honetan metodo analitiko instrumentalen garapena du helburu. Hori dela eta, ikuspuntu metodologikotik aztarna-analisia jartzen da. Metodologia orokorretik abiatuz, analisirako sistema instrumentalak modu orokorrean aurkezten dira, analisi instrumentalerako metodoetara heltzeko. Metodo espektroskopiko eta elektrokimiko ohikoenak deskribatuko dira. Ondoren, separazio-metodo kromatografikoak (gas zein likidoak) eta euren hibridazioa masa-espektrometriara landuko dira. Azkenik, kimiometrian jardungo gara, esperimentuen diseinuetan eta osagai nagusien analisian batez ere. Irakasgai honen ezagutzen aplikazioa Esperimentazioa Kimika Analitikoan irakasgaian egingo da.

1.- Instrumentazio analitikoa. Instrumentu analitiko baten atalen deskribapena. Seinale analitikoa. Seinaleen tratamendua. Ezaugarri instrumentalak eta analisirako teknika instrumentalen sailkapena.

2.- Aztarna-analisia. Analisirako metodologia orokorra. Estandarizazio (aldagai bakarreko kalibrazioa). Berreskurapena (barne- eta kanpo-estanadarrak) eta trazagarriak. Kalitate kontrola eta ziurtapena.

3.- Metodo espektrofotometrikoak. Analisi atomiko eta molekularrerako metodo espektrofotometrikoak. Konfigurazio instrumentalak. Aplikazioak.

4.- Separazio metodo kromatografikoak. Separazio kromatografikoen oinarria. Gas- zein likido-kromatografien instrumentazioaren oinarriak. Hibridazioa masa-espektrometriarekin.

5.- Kimiometriaren sarrera. Esperimentuen diseinua. Osagai nagusien analisia. Aldagai anitzeko erregresiorako metodoak.

6.- Metodo elektrokimikoak. Metodo elektrokimikoen sailkapena. Konfigurazio instrumentala. Aplikazioak.

Klase magistraletan eta gela praktiketan oinarrizko kontzeptuak aurkeztuko dira eta irakasgaiarekin erlazionatuta dauden problemak eta kasu praktikoak ebatziko dira. Adibideak teorikoak izan arren, kasu errealetan oinarrituta daudenak izango dira. Aurkezpenak ikus-entzunezko errekurtsoez lagunduta burutuko dira, baina ikaslearen parte-hartze aktiboa bultzatuko da klasean eztabaida irekiak eta brainstorming-ak sustatuz.

Ikasleen ikaskuntza jarraitua bermatzeko, banaka zein taldeka burutuko diren eta irakaslearen gainbegiratze zuzena edukiko dituzten zenbait jarduera (zailtasun handiagoa duten ariketen ebazpena, galdetegiak…) antolatuko dira. Ikasleek irakaslearen laguntza izango dute momentu oro eta jardueren ondoren feedback azkar bat jasoko dute zertan hobetu behar duten jakiteko eta ikasketa autonomo eta jarraitu bat bermatzeko.





Irakasgai hau ez da kontzeptu berrien akumulazio bakuna soilik, baizik eta kontzeptu guztien barneratzea eta lotzea. Ikasiko dituzuen baliabide guztiak beharrezkoak izango dituzue zuen aktibitate profesionalean, eta horrela ikusiko dugu egoera ezberdinetako adibideetan. Berebiziko garrantzia du kontzeptu guztiak balioztatu eta eztabaidatzeko gaitasunak lortzea, eta beraz, kontzeptu guztiak barneratu eta aplikatu beharko dira, guztia norbere gogoetaren eta irakaslearen feedback-en laguntzaz.



Banakako lanen kalifikaziorako (%10), mintegiak eta zenbait GA/GO notarako balioko duten jarduerak egiteko erabil daitezke. Hala izatekotan, aurretiaz abisatuko da.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 90
  • Banakako lanak (%): 10

AZTERKETA IDATZIA: %90

Bi idatzizko proba partzial egingo dira ezarritako azterketa garai bietan. 2. probara aukeztu ahal izateko, 1goa gainditu beharko da (5/10).

Lauhilabeteko azterketen bidez gainditu ez dutenentzat azken azterketa bat egingo da ohiko deialdian.

Idatzizko probetako eduki guztiak modu orekatuan gainditu beharko dira aipatutako probak gainditutzat emateko.

BANAKAKO LANAK: %10

Irakasgaiko notaren gainontzeko %10 banakako ariketen ebazpenerakin lortuko da. Atal honetan gutxienez 5/10 izatea beharrezkoa izango da.



Deialdiari uko egiteko nahikoa da ez aurkeztea.

Ez-ohiko deialdian %100 balio duen idatzizko azterketa egingo da. Proba honen eduki guztiak modu orekatuan gainditu beharko dira aipatutako probak gainditutzat emateko (5/10).





Deialdiari uko egiteko nahikoa da ez aurkeztea.

Ordenagailua, Excel (edo baliokidea), Word (edo baliokidea)-ekin trebezia

Oinarrizko bibliografia

D.A. Skoog, F.J. Holler, T.A. Nieman, Principios de análisis instrumental, McGraw-Hill, Madril, 2001

J.F. Rubinson, K.A. Rubinson, Análisis instrumental, Prentice Hall, Mexiko, 2000

F. Rouessac, A. Rouessac, Chemical analysis: Modern instrumentation methods and techniques, Wiley, Chichester, 2000

L. Hernández, C. González, Introducción al Análisis Instrumental, 1ª ed., Ariel Ciencia, Bartzelona (2002)

K.H. Esbensen. Multivariate data analysis, 5 ed. Camo AB Oslo, 2001

D.C. Harris, Análisis químico cuantitativo, Grupo editorial iberoamericano, Mexiko, 2001

Gehiago sakontzeko bibliografia

K. Danzer, Analytical Chemistry. Theoretical and metrological fundamentals. Springer, Berlin, 2007
R.G. Brereton. Chemometrics, John Wiley & Sons, Chichester, 2003
R. Kellner, J.-M- Mermet, M. Otto, H.M. Widmer, Analytical Chemistry, Wiley-VCH, Weinheim (1998)
J.K. Taylor, Quality assurance of chemical measurements, Lewis, Michigan, USA, 1987
M. Alley The Craft of Scientific Presentations: Critical Steps to Succeed and Critical Errors to Avoid, Springer Verlag, 2003
Colin F. Poole, The Essence of Chromatography, Elsevier, 2003
R. Cela, R. A. Lorenzo, Mª del Carmen Casais, Técnicas de Separación en Química Analítica, ed. Sintesis, 2002
C.H. Hamann, A. Hamnett, W. Vielstich, Electrochemistry, Wiley-VCH, 1998

Aldizkariak

Analytical Chemistry
Trends in Analytical Chemistry
The Analyst
Analytica Chimica Acta
Talanta
Analytical and Bioanalytical Chemistry
LC/GC
Spectroscopy Europe

Web helbideak

EHUren Biblioteka:
http://www.biblioteka.ehu.es/p207-home/eu/
The Analytical Chemistry Springboard:
http://www.anachem.umu.se/jumpstation.htm
International Union of Pure and Applied Chemistry (IUPAC): http://iupac.chemsoc.org
Laboratory of the Government Chemist (LGC) :
http:// www.lgc.co.uk
The Virtual classroom:
http://ull.chemistry.uakron.edu/classroom
The Chemistry Hypermedia Project:
http://www.files.chem.vt.edu/chem-ed/vt-chem-ed.html
Eurachem: http://www.eurachem.org/
Chrom Academy:
http://www.chromacademy.net/