Bigarren Hizkuntza: Alemana moduluko ikasgaien helburua da ikasleek hainbat ezagutza bereganatu eta gaitasun batzuk garatzea ahalbidetzea, eta horien artean, bigarren hizkuntza batean ahoz eta idatziz jariotasunez adierazteko gaitasuna, bigarren hizkuntza batean testu konplexuen ideia nagusiak ulertzeko gaitasuna, edo prozesu eta gertakari historiko orokorrak ulertzeko gaitasuna.



Espezialitate honetan sakonago ikasten da bigarren hizkuntza (alemana) eta horren gramatika, kultura eta literaturaren analisian barneratzen da. Lan arloko oinarrizko mailan (A2.2) jardutea ahalbidetuko dien prestakuntza bereganatzen dute ikasleek, eta baita bigarren hezkuntzaren esparruan zein nazioarteko merkataritza edo turismoarenean ere.



Bigarren hizkuntza: Alemana III, hirugarren mailako lehen lauhilekoan ematen den eta Bigarren Hizkuntza IV: Alemana ikasgaiarekin batera modulu bat osatzen duen hautazko ikasgaia da. Modulu honetan, bigarren hizkuntzari buruzko prestakuntzan sakontzen da, horren erabileran eta ulermenean eta adierazpen literarioen eta bere hizkuntza sistemaren ezagutzan aurrera egiteko. Bigarren hizkuntza: Alemana III aldez aurretik Bigarren Hizkuntza: Alemana I eta II ikasgaiak egin eta gainditu duten ikasleei zuzenduta dago.

CM01 - Alemana ahoz eta idatziz erabiltzea eta ahozko eta idatzizko adierazpen-maila altua lortzea.



CM01 gaitasuna garatzeko alemanaren A2 mailako lau trebetasunei dagozkion edukiak landuko dira, Hizkuntzetarako Erreferentziazko Europako Esparru Komunaren arabera, honako ikaste emaitzak (IE) lortuz:



IE1: Bereziki garrantzitsuak diren esperientzia arloekin zerikusia duten eta sarri erabiltzen diren esaldiak eta adierazpenak ulertzea (norberaren eta bere familiaren, erosketen, toki interesagarrien, lanbideen, eta abarren inguruko oinarrizko informazioa.)



IE2: Arazo ezagun eta ohikoei buruzko informazioaren elkartruke erraz eta zuzenak eskatzen dituzten jarduera soil eta arruntak egiterakoan komunikatzen daki.



IE3: Bere iraganeko eta inguruko alderdiak zein berehalako beharrei lotutako arazoak hitz arruntez deskribatzen daki.



IE4: Ahozko zein idatzizko komunikazioan gramatika alemanaren oinarrizko elementuak erabiltzen ditu.

Komunikazio edukiak:

Gesundheit, Krankheit, beim Arzt; Wetter und Kleidungen; Reiseplanung und Verkehrsmittel; Ausbildung und Beruf; Bewerbung und Praktikum; Urlaub in Deutschland.



Gramatika edukiak:

temporale Nebensätze, Modalverben, kausale Verbindungsadverbien; der Diminutiv, Welch-, Demonstrativartikel und Demonstrativpronomen dies-, Indefinitartikel und Indefinitpronomen; Wortstellung im Satz; Indirekte Fragesätze; Relativsätze und Relativpronomen; Passiv (im Präsens und Präteritum); Komparativ und Superlativ; Vergleichssätze; temporale Nebensatze.

Maisutasunezko modalitatean azalpen laburrak emango ditu irakasleak, eta ondoren, presentziazko denbora gehienean zehar askotariko ariketak eta jarduerak burutuko dira, orokorrean taldeka arituz eta noizbait banakako jarduerak eginez.



Ikasleek ikaskuntza emaitzak (IE1, IE2, IE3, IE4) gauza dezaten, presentziazko zein ez presentziazko jarduerak egingo dira, banaka nahiz taldeka. Taldeka lan egingo da ahozko aurkezpen bat garatzeko (IE2, IE3, IE4).



Ikasleen ikaskuntza ahalbidetu eta ziurtatzeko, jardueren jarraipena eta ebaluazio jarraituko ariketak egingo dira. Aurrez ezarritako ebaluazio irizpideen araberako feed-backa bideratuko da, ikasleek beren ikaskuntzaren eta hobetzeko moduen jabe izateko aukera izan dezaten.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 30
  • Ahozko defentsa (%): 10
  • Banakako lanak (%): 50
  • Asistencia y participación activa (mínimo de 60% en clase) (%): 10

Ikasleak BI EBALUAZIO SISTEMAren artean aukeratu ahalko du:



A) EBALUAZIO JARRAITUA: gutxienez saioen % 60ra joaten diren ikasleei aplikatu ahal zaie.

Gaitasunak tresna hauek kontuan hartuta ebaluatuko dira, horietako bakoitzari azken notaren ehuneko jakin bat esleituta:



- Ebaluazio jarraitua: irakasgaiaren notaren % 60.

· Banakako lanak: % 50

· Parte hartze aktiboa: asistentzia (gutxienez % 60) eta jarrera, hautazko lanak egitea, etab.: (%10)

- Azken proba: ikasgaiaren nota osoaren % 40. Atal hauek izango ditu:

· Ahozko azken proba: (% 10)

· Idatzizko azken proba: (% 30)



Ebaluazio irizpideak:



Idatzizkoari dagokionez: konjugazio eta deklinabidean zuzentasuna; hiztegiaren erabilera egokia; egitura sintaktikoen erabilera egokia; ortografia zuzena; testu mota ezberdinei dagozkien arauak modu egokian erabiltzea; eginkizunari dagokion forma eta eduki zuzenak erabiltzea.

Ahozkoari dagokionez: jariotasuna; egituraketa gramatika zuzena; ahoskera.

Azken kalifikazioa ebaluazioaren aipatutako zati bakoitzaren ehunekoa kontuan hartuta eskuratuko da, baina beharrezkoa da horietako bakoitza bere aldetik gainditzea, ikasgaia gainditu ahal izateko. Hala izan ezean, azken nota gainditu gabeko ebaluazio tresna edo tresnetan izandako emaitzetatik aterako da.



EBALUAZIO JARRAITUARI UKO EGITEA:



Ebaluazio jarraituko sisteman parte hartu ezin duen ikasleari dagokionez, eskuraturiko konpetentziak eta ezagutzak erakutsi ahalko ditu lauhilekoaren amaieran proba bakar bat eginez. Proba horrek ikasgaiaren notaren % 100 balioko du. Kasu horretan, ikasleak irakasgaiaren arduradun den irakasleari idatzi bat aurkeztu behar dio gehien jota 9 asteko epean, lauhilekoaren hasieratik zenbatzen hasita ikastegiko egutegi akademikoa kontuan hartuta.



B) AZKEN EBALUAZIOA: ebaluazio jarraituari uko egin dioten ikasleei aplikatu ahal zaie. Ikasle hauek lauhileko amaierako proba bakar bat egingo dute, fakultateak horretarako finkatutako egunetan. Beren gaitasunak tresna hauek kontuan hartuta ebaluatuko dira, horietako bakoitzari azken notaren ehuneko jakin bat esleituta:



- Idatzizko azken proba (%80): entzundakoaren ulermena, irakurritakoaren ulermena, idazmena eta gramatika

Ebaluazio-irizpideak: entzundakoaren ulermen egokia; irakurritakoaren ulermen egokia; zuzentasun gramatikala; hiztegia; sintaxia; ortografia; lanaren edukia eta forma egokiak izatea.

- Ahozko azken proba (%20): idatzizko proba amaitutakoan egingo da.

Irizpideak: zuzentasun gramatikala; jarioa; hiztegia; lanaren edukia eta forma egokiak izatea; ahoskera.



Azken kalifikazioa ebaluazioaren aipatutako zati bakoitzaren ehunekoa kontuan hartuta eskuratuko da, baina beharrezkoa da horietako bakoitza bere aldetik gainditzea, ikasgaia gainditu ahal izateko. Hala izan ezean, azken nota gainditu gabeko ebaluazio tresna edo tresnetan izandako emaitzetatik aterako da.



BI SISTEMETARAKO OHARRAK:



a. OHIKO DEIALDIARI UKO EGITEA

Deialdiari uko egiten dioten ikasleek «ez aurkeztua» kalifikazioa jasoko dute.

EBALUAZIO JARRAITUAREN SISTEMAKO IKASLEENTZAT: ikasleak deialdiari uko egin ahal izango dio, dagokion irakasgaiaren irakaskuntza aldia bukatu baino gutxienez hilabete lehenago. Uko egite hori idatziz aurkeztu beharko zaio irakasgaiaren irakasle arduradunari.

AZKEN EBALUAZIOAREN SISTEMAKO IKASLEENTZAT: azterketen data ofizialetan zehaztutako probetara ez aurkezteak deialdi horri automatikoki uko egitea ekarriko du.



b. MATERIALAK, TRESNAK ETA BALIABIDEAK ERABILTZEA

Entregatu edo zuzendu beharreko idazlanen bat gelan eginez gero, ikasleak hiztegi elebiduna (on-line edo paperean), testu-liburua eta gelako apunteak soilik erabili ahalko ditu. Haatik, tarteko probetan nahiz azken azterketan (idatzizkoan nahiz ahozkoan) ezin izango da bitarteko bibliografikorik erabili ezein euskarritan (hiztegiak, gramatikak, kontsultarako obrak), ez gailu elektroniko eramangarririk (mugikorrak, ordenagailuak, tabletak), ezta ikasleak bildutako edo irakasgaiaren arduraduna den irakasleak emandako materialik ere (klaseko apunteak, fotokopiak...).



c. IRUZURREZKO PRAKTIKAK

Halaber, edozein probatan kopiatu egin dela egiaztatuz gero, tartean sartuta dauden ikasle guztiei «gutxiegi» kalifikazioa jarriko zaie, bakoitzari dagokion erantzukizuna alde batera utzi gabe. Pertsona bat kopiatzen ari dela proban bertan egiaztatuz gero, momentuan bertan proba egiteari uzteko agindu ahal izango zaio. Era berean, edozein ebaluazio-probatan iruzurrezko praktika nabarmena (plagioa, kopia, nortasuna ordezkatzea, etab.) gertatu dela antzemango balu, irakasleak lan horri «gutxiegi» kalifikazioa jarri ahalko dio.



d. KALIFIKAZIOA BERRIKUSTEA

Behin behineko kalifikazioa GAURen argitaratzean, kalifikazioa berrikusteko data ofizial bakarra argitaratuko da, eta data horretatik kanpo ez da berrikuspenik egingo.

Ebaluazioa AMAIERAKO EBALUAZIO SISTEMA bidez egingo da soil-soilik.

Gaitasunak eta ikaskuntza emaitzak ondoko tresnen bidez ebaluatuko dira, eta adierazitako amaierako notaren ehunekoa esleituko zaio tresna bakoitzari:



- AMAIERAKO PROBA IDATZIA - %80*

Testu ulermen ariketa, entzumen ariketa, gramatikari eta hiztegiari buruzko askotariko ariketak, nahitaezko liburu baten bakarkako irakurketaren kontrol ariketa



- AMAIERAKO AHOZKO PROBA - %20*

Bakarrizketa jarraitua, bi hautagaien arteko elkarrizketa



*Irakasgaia gainditzeko, bi atalak gainditu beharko ditu ikasleak (amaierako idatzizko proba eta amaierako ahozko proba). Bestela, amaierako nota gainditu gabeko ebaluazio tresna edo tresnen nota edo notetatik ondorioztatuko da soilik.



BI DEIALDIETAN KONTUAN HARTU BEHARREKO OHARRAK:



a. EBALUAZIO IRIZPIDEAK

- Formaren eta edukiaren egokitasuna lanak/probak egitean.

- A1.2 eta A2.1 (HEEMB) mailei dagokien zuzentasun maila gramatikan, hiztegian, ortografian, ahoskeran, ahozko eta idatzizko jariotasunean, eta ahozko eta idatzizko ulermenean.



b. UKO EGITEA AZKEN AMAIERAKO EBALUAZIOARI

Deialdiari uko eginez gero, ez-aurkeztua kalifikazioa emango da.

Ikaslea azterketen data ofizialean ezarritako probara aurkezten ez bada, deialdiari uko egin zaiola ulertuko da.



c. MATERIALAK ETA BALIABIDEAK ERABILTZEA

Bi probak egitean, ezin izango da erabili baliabide bibliografikorik (hiztegiak, gramatikak, kontsultarako obrak), gailu elektroniko eramangarririk (mugikorrak, ordenagailuak, tabletak) edo ikasleak bildutako edota irakasgaiaren irakasle arduradunak emandako materialik (klaseko apunteak, fotokopiak, etab.).



d. IRUZURREZKO PRAKTIKAK

Proba batean kopiatu egin dela frogatzen bada, ez-gainditutzat kalifikatuko da iruzurra egin duen ikaslearen (edo ikasleen) azterketa, dagokion erantzukizunaren kalterik gabe. Iruzurra proba egin bitartean frogatzen bada, azterketa utzi beharko du iruzurgileak.

Gainera, ebaluazio tresna bat zuzentzean agerian gelditzen denean iruzur egin dela eta horrek eragina izan duela emaitzan (plagioa, kopiaketa, nortasun ordezpena, etab.), lana suspenditu ahal izango da, arrazoiak behar bezala azalduta.



e. KALIFIKAZIOAK BERRIKUSTEA

Amaierako kalifikazioak GAURen argitaratu ondoren, haiek berrikusteko data ofiziala finkatuko da, eta hortik kanpo ez da kalifikaziorik berrikusiko.

1. Birgit Braun et al.: DaF kompakt neu A2. Deutsch als Fremdsprache für Erwachsene. Kurs- und Übungsbuch mit MP3-CD, ISBN 978-3-12-676314-1

2. Irakasleak prestatutako materialak, eGelara igoko direnak

3. Argitaletxe ezberdinetako baliabideak

4. Hiztegi elebidunak eta hizkuntzen ikaskuntzarako bestelako tresna digitalak

Oinarrizko bibliografia

Castell, Andreu (2002). Gramática de la lengua alemana. Madrid: Editorial Idiomas.

Castell, Andreu y Brigitte Braucek (2000). Ejercicios. Gramática de la lengua alemana. Madrid: Editorial Idiomas.

Rusch, Paul y Helen Schmitz (2008). Einfach Grammatik - Gramática del alemán con ejercicios - Niveles A1 hasta B1. Berlin: Langenscheidt.

Gehiago sakontzeko bibliografia

Clamer, Friedrich y Erhard G. Heilmann (2007): Übungsgrammatik für die Grundstufe: Arbeitsheft. Regeln, Listen,
Übungen. Niveau A2 - B2. Meckenheim: Liebaug-Dartmann.
Dinsel, Sabine y Susanne Geiger (2009): Großes Übungsbuch Deutsch:Grammatik. Ismaning: Hueber.
Dreyer, Hilke y Richard Schmitt (2009): Lehr- und Übungsbuch der deutschen Grammatik. Ismaning: Verlag für Deutsch.
Fandrych, Christian y Ulrike Tallowitz (2012): Klipp und Klar. Übungsgrammatik Grundstufe Deutsch. Stuttgart: Klett.
--- (2002): Sage und schreibe. Übungswortschatz Grundstufe Deutsch. Stuttgart: Klett.
Helbig, Gerhard y Joachim Buscha (1992): Übungsgrammatik Deutsch. Berlin/München: Langenscheidt.
Hering, Axel et al. (2009): Übungsgrammatik für die Mittelstufe: Deutsch als Fremdsprache. Ismaning: Hueber.
Luscher, Renate (1998): Übungsgrammatik DaF für Anfänger. Hueber: Ismaning.
Reimann, Monika (2011): Grundstufen-Grammatik für DaF. Hueber: Ismaning.

Aldizkariak

-

Web helbideak

http://egela.ehu.eus
http://www.goethe.de
http://www.goethe.de/lrn/prj/rod/deindex.htm
http://www.grammatiktraining.de
http://hypermedia.ids-mannheim.de
https://www.deutsch-portal.com/Lesen.html
http://www.allgemeinbildung.ch/home.htm
DaF Kompakt:
http://www2.klett.de/sixcms/list.php?page=lehrwerk_extra&titelfamilie=DaF%20kompakt&extra=DaF%20kompakt-Online
Deutsch lernen, üben, testen & trainieren:
http://www.allgemeinbildung.ch/fach=deu/=deu.htm
Online-Aufgaben Schubert Verlag:
http://www.aufgaben.schubert-verlag.de/arbeitsblaetter_a1_z/a1_arbeitsblaetter_index_z.htm
Tandem-Server Bochum:
http://www.slf.ruhr-uni-bochum.de/
Talk German:
http://www.slf.ruhr-uni-bochum.de/
World Wide Web Sites for German:
https://www.mtholyoke.edu/acad/germ/workshops/urls/index.html