Ingurumenaren Zientzia eta Teknologia irakasgaia Industria Teknologiaren Ingeniaritzako Graduaren 4. Mailako nahitaezko irakasgaietako bat da. Irakasgai hau M02 moduluari dagokio, Modulu Bateratua Industria Adarrean, eta Industria Teknologiaren Ingeniaritzako Graduaren bigarren lauhilekoan irakasten da.



Ingurumenaren Zientzia eta Teknologia (IZT) irakasgaian, ingurumena zaintzeko, kontrolatzeko eta kudeatzeko tresna eta teknologia nagusien oinarrizko ezagutzak eta aplikazioa lantzen dira, produkzio-sistemaren jasangarritasunaren ikuspegitik, baliabide naturalen eta energiaren kontsumoa optimizatuz eta hondakin-korronteen kutsadura minimizatuz. Guzti honek, giza-jarduerek ingurumenean duten eragina aztertzeko, ebaluatzeko, prebenitzeko eta zuzentzeko metodologiak heltzea ahalbidetzen du. Ingurumena Kudeaketako Sistemak (IKS) eta Ingurumen Inpaktuaren Ebaluazio (IIE) prozedura ere aztertzen dira, eta baita azken honekin lotutako Ingurumen Inpaktuaren Azterketen (IAz) egitura, edukia eta metodologia ohikoenak.

Modulu honetan (M02- Modulu Bateratua Industria Adarrean), garatzen den gaitasuna ondorengoa da: R10 - Oinarrizko ezagutzak edukitzea ingurumen- eta iraunkortasun-teknologietan, baita haien aplikazioan ere.

Ikasgaian aurreikusitako irakaskuntza-emaitza nagusia makinen, prozesuen eta instalazio industrialen proiektuan ingurumenari eta jasangarritasunari buruzko aspektuak kontsideratzea da.

1.Gaia: Ingurumenaren zientzia eta teknologien sarrera. Industria eta ingurugiroa. Gizakiaren eragina ingurugiroan. Ingurugiro kalitatearen hobekuntza.

2.Gaia: Kutsadura atmosferikoa: karakterizazioa. kutsatzaile primarioak eta sekundarioak. Eraldaketa fisiko-kimikoak.

Kutsatzaileen dispertsioa atmosferan. Kutsatzaile gaseosoen eta partikulen isuriak kontrolatzeko teknikak

3.Gaia: Ur kutsadura: karakterizazioa. Hondakin uren tratamenduen teknologiak. Edateko uraren arazketa eta egokitzapen teknologiak. Lohien tratamenduen teknologiak.

4.Gaia: Hondakin solidoak: karakterizazioa. Bilketa-sistemak. Materialak berreskuratzeko Instalazioak. Hiri hondakin solidoen tratamenduak.

5.Gaia: Industriaren ingurugiro kudeaketa. Ingurugiro kudeaketa sistemak (ISO 14001, EMAS). Ingurugiro auditoriak. Ingurumen kudeatzeko tresnak. Bizi zikloaren azterketa. Karbono arrastoaren azterketa. Ekodiseinua.

6.Gaia: Ingurumen-eraginaren ebaluazioa. Ingurumen-eraginaren azterketa. Ingurugiro faktore eta ekintzak. Ingurumen eraginaren adierazpena. Zaintza programa.

Saio magistraletan gaiaren oinarrizko kontzeptuak azalduko dira diapositibak edo transparentziak erabilita. Horretaz gain, saio magistraletan irakasleak irakaskuntzaren helburuak eta oinarri teorikoak azalduko ditu, ikasleei geroago planteatuko zaizkien galdera eta problemak ebatzi ahal izateko. Ariketa ezberdinak, eta arrazonatzeko galdetegi teorikoak, talde lanak, eta eztabaida gidatuak ere planteatuko dira teorian azalduriko kontzeptuak hobeto ulertzen laguntzeko eta konpetentziak hobeto barneratzeko helburuarekin.



Ordenagailu-praktikak ere egingo dira, eskuratutako ezagutzak indartzeko eta softwarea erabiltzearekin eta txostenak egitearekin lotutako trebetasunak lantzeko: bilaketa bibliografikoa, emaitzen analisia, grafikoak egin eta interpretatzea eta sintesi-gaitasuna.



eGela plataforma birtuala erabiliko da ikaslearen gida, irakaskuntza-materiala (apunteak eta material zientifiko-teknikoa), ariketen enuntziatuak, irakasleek prestaturiko ordenagailu-praktiken gidoiak banatu eta partekatzeko, txostenak entregatzeko, eta baita irakasgai honekin erlazionatutako berriak edota aldaketak argitaratzeko ere.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 30
  • Test motatako proba (%): 60
  • Praktikak egitea (ariketak, kasuak edo buruketak) (%): 10

-Azken ebaluazio bidezko sistema

-Etengabeko ebaluazio sistema

-Kalifikazioko tresnak eta ehunekoak:



Garatu beharreko proba idatzia (ariketak) (%): 30

Galdera anitzeko testa (%): 60

Ordenagailu praktikak (ariketak, kasuak edo ariketak) (%): 10



OHIKO DEIALDIA



Ikasleak eskuratu beharreko gaitasunak eta irakasgaia-emaitzen eskuratzea lauhileko osoan zehar egindako lanaren bitartez ziurtatzen dira. Horretarako, bi helburu dituen etengabeko ebaluazio sistema bat diseinatu da: ikaslearen ahalegina lauhileko osoan zehar banantzea eta irakaskuntza-emaitzen eskuratzea hobetzea.



Etengabeko ebaluazioa honako zatiez dago osatua:



-Idatzizko lehen proba bat, lauhilekoaren erdian egingo dena. Idatzizko proba honen nota irakasgaiaren azken notaren %50a balio du, eta bi zatitan banatuko da: erantzun anitzeko test bat (%30) eta ariketak (%20). Proba hau gainditzeko gutxienez 6,0-ko nota (10etik) lortu beharko da, eta horrek materia kentzea ahalbidetuko du ohiko eta ez-ohiko deialdietarako.



-Bigarren idatzizko proba bat, ohiko azterketa-deialdian egingo dena. Idatzizko proba honen nota irakasgaiaren azken notaren %40a balio du, eta bi zatitan banatuko da: erantzun anitzeko test bat (%30) eta ariketak (%10). Proba hau gainditzeko gutxienez 5,0-ko nota (10etik) lortu beharko da. Bigarren idatzizko proba hau gainditu beharko da, nota hau lehenengo idatzizko probaren notarekin bataz bestekoa egiteko.



-Azkenik, irakasgaiaren azken notaren %10a ordenagailu praktikei dagokie, eta praktika horietara joatea derrigorrezkoa da txostenak aurkeztu ahal izateko. Nota hori ez-ohiko deialdirako eta hurrengo ikasturterako mantenduko da. Praktiken nota irakasgaiaren azken notan kontuan hartzeko, aurrez aipaturiko idatzizko proba biak gainditu beharko dira.



Ikaslea(k) lauhileko erdian burututako lehenengo idatzizko probara aurkezten ez bada edo gainditzen ez badu, ikasleak irakasgaiaren eduki osoaren idatzizko proba bat egin beharko du ohiko azterketa-deialdian. Idatzizko proba hori irakasgaiaren azken notaren %90a balio du eta bi zatitan banatuko da: erantzun anitzeko test bat (%60) eta ariketak (%30). Proba honetan goian deskribatutako gaitasun guztiak ebaluatuko dira, ordenagailu praktikekin zerikusia dutenak izan ezik. Proba hau gainditzeko gutxienez 5,0-ko nota (10etik) lortu beharko da. Ezinbestekoa da idatzizko proba hau gainditzea irakasgaia gainditzeko eta ordenagailu praktiken nota irakasgaiaren azken notan kontuan izateko. Ikasleak irakasgaia gaindituko du, baldin eta irakasgaiaren azken nota gutxienez 5,0 bada (10etik).



Etengabeko ebaluazioari uko egin nahi dioten eta azken ebaluazioaren bidez ebaluatuak izatea erabakitzen duten ikasleek idatzi bat aurkeztu beharko diete irakasgaiaren irakasleari eta irakasgaiaren koordinatzaileari, uko egiten diotela adieraziz, irakasgaia hasi eta bederatzigarren astea baino lehen, UPV/EHUko araudiak ezartzen duen bezala. Kasu horretan, ikasleak honako hauek egin beharko ditu:



a)Azken idatzizko proba bat (irakasgaiaren azken notaren %90a balio duena). Proba hau gainditzeko gutxienez 5,0-ko nota (10etik) lortu beharko da. Ezinbestekoa da idatzizko proba hau gainditzea irakasgaia gainditzeko eta ordenagailu praktiken nota irakasgaiaren azken notan kontuan izateko.

b)Ordenagailu praktiken edukiekin erlazionatutako proba bat, irakasgaiaren azken notaren %10a balio duena.

c)Ikasleak irakasgaia gaindituko du, baldin eta irakasgaiaren azken nota gutxienez 5,0 bada (10etik).

Deialdi honetan ebaluazioa jarraian deskribatzen den moduan egingo da.



Ezohiko deialdirako, lehen partzialeko kalifikazioak gordeko dira, baldin eta eskatzen den gutxienekoa (gutxienez 6,0-ko nota 10etik) baino altuagoak badira. Ordenagailu praktikei dagozkien kalifikazioak ere gordeko dira, lortutako kalifikazioa edozein delarik.



Idatzizko lehen edo bigarren proba bakarrik gainditu ez duten ikasleek gainditu ez duten probaren azterketa bakarrik egin beharko dute, eta proba hau gainditzeko gutxienez 5,0-ko nota (10etik) lortu beharko dute. Ohiko deialdira aurkeztu ez badira edo bi probak gainditu ez badituzte, ikasleek irakasgaiaren eduki osoaren idatzizko proba bat egin beharko dute azterketen deialdi ofizialean. Idatzizko proba hori irakasgaiaren azken notaren %90a balio du eta bi zatitan banatuko da: erantzun anitzeko test bat (%60) eta ariketak (%30). Proba honetan goian deskribatutako gaitasun guztiak ebaluatuko dira, ordenagailuko praktikekin zerikusia dutenak izan ezik. Proba hau gainditzeko gutxienez 5,0-ko nota (10etik) lortu beharko da. Ezinbestekoa da idatzizko proba hau gainditzea irakasgaia gainditzeko eta ordenagailu praktiken nota irakasgaiaren azken notan kontuan izateko. Ikasleak irakasgaia gaindituko du, baldin eta irakasgaiaren azken nota gutxienez 5,0 bada (10etik).



Etengabeko ebaluazioari uko egin badiote, ikasleek ahozko edo idatzizko proba bat egin beharko dute ezohiko deialdi honetan, ordenagailuko praktiken edukiei buruz.



Azken kalifikazioa kalkulatzeko, ohiko deialdiko formula eta irizpide berberak erabiliko dira.

- Ikasgelan hartutako oharrak eta apunteak
- Ikasgaiaren ariketen bilduma
- Ordenagailuko praktiken gidoiak

Oinarrizko bibliografia

-Arévalo, M. (2019) Gestión Ambiental. Ed. Síntesis.

-Claver, E. (2005) Gestión de la calidad y gestión medioambiental. Ed. Pirámide.

-Davis, M. L. y Masten, S.J. (2005) Ingeniería y Ciencias Ambientales. ed. McGraw-Hill.

-Hernández, A., Hernández, P. y Gordillo, A.J. (2006) Manual para la evaluación de impactos ambientales. Inncive.

-Kiely, G. (1999) Ingeniería Ambiental, McGraw-Hill.

-Masters, G. y Ela, W. (2008) Introducción a la ingeniería medioambiental. Ed. Pearson.

-Mihelcic, J.R. (2001) Fundamentos de Ingenieria Ambiental. Ed. Limusa.

-Marañón, E., Mahamud, M., Castrillón, L. y Sastre, H. (2001) Problemas de ingeniería ambiental. Servicio de publicaciones Universidad de Oviedo.

-Morales Correas, N. (2003). Manual de referencia de la ingeniería ambiental. Ed. McGraw-Hill.

Gehiago sakontzeko bibliografia

-Vallero, D. (2008) Fundamentals of air pollution. Elsevier.
-Dullien, F.A.L. (1989) Industrial gas cleaning, Academic Press.
-Metcalf & Eddy, Inc. (1995) Tratamiento y depuración de las aguas residuales. Labor.
-Snoeyink y Jenkins (1996). Química del agua. Limusa.
-Tchobanouglous (1994). Gestión integral de residuos sólidos. McGraw-Hill.
-Wentz, C. (1995). Hazardous Waste Management. McGraw-Hill.
-Canter, L. (1997). Evaluación del impacto ambiental. McGraw-Hill.

Aldizkariak

- Environmental Science and Technology
-Environmental Progress
-Journal of the Air and Waste Management Association
-Water, Air and Soil pollution
-Atmospheric Environment
-Atmospheric Chemistry and Physics
-Water Science and Technology
-Residuos
-Tecnología del agua
-Science of the Total Environment

Web helbideak

- American Academy of Environmental Engineers. http://www.aaee.net
-US Environmental Protection Agency http://www.epa.gov
-European Environment Agency http://www.eea.eu.int- Ministerio del Medio Ambiente http://www.marm.es
-Gobierno Vasco. Departamento de medio Ambiente y Ordenación del Territorio http://www.ingurumena.ejgv.euskadi.net.
-Sociedad Púbica IHOBE. http://www.ihobe.es
-Diario Oficial de las Comunidades Europeas http://europa.eu.int/eur-lex/
-Boletin Oficial del Estado http://www.boe.es
-Boletín Oficial del País Vasco http://www.euskadi.net/cgi-bin_k54/bopv_00?C