GAITASUN ESPEZIFIKOAK:



1. Osagai elektroniko pasiboen (erresistentzia linealak eta ez-linealak, eta kondentsadoreak) karakterizazioarekin lotutako funtsezko kontzeptuak zorroztasunez identifikatzea eta erabiltzea: eredua, portaera estatiko eta dinamikoaren parametroak, balio kuantitatiboak modu absolutu eta erlatiboan adierazteko metodoak, alderdi termikoak aplikagarriak eta bero-transmisioarekin lotutakoak, fidagarritasunaren oinarrizko kontzeptuak.



2. Balio finkoko nahiz aldakorreko erresistore linealen alderdi teknologiko garrantzitsu guztiak (teknologia desberdinak, parametroak eta abar), eta zirkuituan duten aplikazioaren ezagutza eta asimilazioa frogatzea. Aplikazio jakin baterako osagai horiek behar bezala hautatzeko gaitasuna erakustea. Trebetasuna erakustea osagai horiek identifikatzeko eta laborategian haien parametroak neurtzeko.



3. Erresistore ez-linealekin (NTC, PTC, VDR eta LDR erresistoreak) zerikusia duten alderdi teknologiko garrantzitsu guztiak ezagutzen dituztela erakustea. Aplikazio jakin baterako osagai horiek behar bezala hautatzeko gaitasuna erakustea. Trebetasuna erakustea osagai horiek identifikatzeko eta laborategian haien parametroak neurtzeko.



4. kondentsadoreekin lotutako, zirkuitu elektronikoen diseinuan aplikatu daitezkeen alderdi teknologiko garrantzitsuak ezagutzen dituztela frogatzea: teknologia desberdinak, parametroak eta horiek zirkuituan aplikatzea. Aplikazio jakin baterako osagai horiek behar bezala hautatzeko gaitasuna erakustea. Trebetasuna erakustea osagai horiek identifikatzeko eta laborategian haien parametroak neurtzeko.



5. Gailu elektromagnetikoekin lotutako zirkuitu elektronikoen diseinuan aplikatu daitezkeen alderdi teknologiko garrantzitsuen ezagutza erakustea: teknologia desberdinak, parametrotan eta horiek zirkuituan aplikatzea.



6. Optoelektronikari eta osagai optoelektroniko ohikoenei buruzko oinarrizko ezagutzak frogatzea eta

zirkuituetan aplikatzea.



7. Sentsoreen eta hainbat magnitude fisiko (tenperatura, indarra, presioa, etab.) jasotzen dituzten koinarrizko aplikazio-zirkuituen ezagutza erakustea.



8. Zirkuitu inprimatuak diseinatzeko tekniken ezagutza teorikoa eta praktikoa erakustea. Orcad Capture eta PCB Editor tresnekin inprimatutako zirkuituak diseinatzeko gaitasuna demostratzea.



LANTZEN DIREN ZEHARKAKO GAITASUNAK



1. Metodologia zientifikoaren berezko estrategiak aplikatzea problemak ebazteko: behaketak egitea

horiek zuzentzen dituen esparru teoriko eta interpretatiboaren kontzientea izanik; arazoak ematen dituen egoera kualitatibo eta kuantitatiboki aztertzea, hipotesiak eta konponbideak planteatzea eredu egokiak erabiliz.



2. Ikaslek, ezagutzak, prozedurak, emaitzak, trebetasunak eta ingeniaritzako oinarrizko ikasgaien berezko alderdiak behar bezala komunikatzea: hiztegia, terminologia eta bitarteko egokiak erabiliz.



3. Proposatutako zereginak burutzerakoan, taldean eraginkortasunez lan egitea, gaitasunak eta ezagutzak integratuz, erabakiak hartu ahal izateko.



4. Jarrera arduratsua izatea, lanean ordenatua eta ikasteko prest egotea, eta lan autonomorako baliabideak garatzea.

1. Sarrera eta oinarriak. Eredu elektronikoak, osagai idealak eta errealak. Magnitudeen balioen adierazpena. Alderdi termikoak eta portaera elektrikoarekiko lotura. Osagaien RLC modelatzea. Fidagarritasunaren oinarrizko kontzeptuak.



2. Erresistentzia finkoak. Sailkapena, teknologiak, parametroak, portaera zirkuituan.



3. Erresistore aldakorrak. Sailkapena, teknologiak, parametroak, portaera zirkuituan.



4. Erresistentzia ez-linealak: NTC, PTC, VDR. Parametroak, portaera zirkuituan.



5. Kondentsadoreak. Sailkapena, teknologiak, parametroak, portaera zirkuituan.



6. Elementu magnetikoak.



7. Optoelektronika. Oinarriak. Oinarrizko osagai optoelektronikoak eta horiek zirkuituan aplikatzea.



8. Sentsoreak. Industrian ohikoak diren sentsoreen deskribapena, ezaugarriak eta funtzionamendua (tenperatura, presioa, maila, emaria, abiadura, posizioa, desplazamendua...). Oinarrizko aplikazio-zirkuituak.



9. Zirkuitu inprimatuen diseinua eta fabrikazioa. Zirkuitu inprimatuak fabrikatzeko teknologiak. Zirkuitu inprimatuen diseinu-arauak. Diseinuko software-tresnak erabiltzea.

Ikasturte hasieran, ikastaroaren Moodle plataforman helburuen xehetasunak, eskuratu edo entrenatu beharreko gaitasunak, metodologia eta ebaluazio-irizpideak zabaltzeko irakaskuntza-gida bat argitaratuko da. Garrantzitsua da gida honen edukia irakurtzea eta aztertzea:



6 kreditu ECTSko irakasgaia da, eta horrek esan nahi du lauhilekoan zehar 150 orduko dedikazioa behar duela, batez beste 10 ordu astean, 4 ordu ikasgelan edo laborategia eta lan autonomoko 6.



Guztira 45 ordu ikasgelan (irakaskuntza magistrala 30 ordu, elkarlana eta ikasgelako praktikak 15 ordu), 15 ordu laborategian eta 90 orduko lan pertsonala (talde-lanak, ikasketak eta banakako lana).

Irakasgaiak, proiektuetan eta arazoetan oinarrituako irakaskuntza-irizpideak jarraitzen dituen talde-lanari garrantzia ematen dion metodologia jarraituko da.



Ebaluazio jarraiko azterketa laburrak egiten dira lauhilekoan zehar, ohiko eta ezohiko azken azterketez gain.



Ebaluazio-irizpidea ondorengoa da:



Idatzizko azterketak % 80. Egoeraren arabera, eGela-inprimakietan oinarritutako online azterketak egin daitezke, idatzizko entregekin konbinatu daitezkeenak.



Lauhilekoan zehar azterketa partzialen bat egin daiteke programaren zati jakin batzuk estaltzeko. Zati horiek, ohiko ebaluazioan, bereizitako ariketen bidez ebaluatuko dira, eta amaierako ohiko kalifikazion, azterketa partzialean lortutakoaren eta ohiko azterketan lortzen denaren arteko balio altuena hartuko da kontuan. Beraz, azterketa partziala gaindituta duen ikasle batek, ohiko azterketan zati hori ez egitea edo nota igotzen saiatzeko egitea aukera dezake.



Azterketa partzialen eta lanen kalifikazioak Moodleko kalifikazioen taulan azaltzen dira.



Laborategiko praktiken aurretiazko prestaketa % 5



Laborategiko lanak, proiektua eta praktikak % 15



10etik 5eko emaitzarekin gainditu behar dira alde batetik idatzizko azterketak, eta baita laborategiko lanak ere, ikasgaia gainditzeko.



Laborategiko praktikak garatuko dira, osagaien praktikei buruzko saioak, eta

zirkuitu inprimatuak diseinatzekoak txandakatuz. Praktiketara joatea nahitaezkoa da, eta lan praktikoen zati gisa, zenbait saiotarako aurrez planteatutako lana eta saioan zehar praktika bera nola aurrera eraman den ebaluatuko dira. Planteatuko diren lan-praktikoak honako hauek dira:



T1- Erresistentzia linealak identifikatzea. Erresistentzia linealekin neurketak eta esperimentazioa.



T2- Erresistentzia ez-linealekin neurketak eta esperimentazioa.



T3- Kondentsadoreak identifikatzea. Kondentsadoreekin neurketak eta esperimentazioa. Osagai elektromagnetikoak identifikatzea.



T4- Zirkuitu inprimatuaren diseinua garatzea. Lan hori lauhileko osoan egiten da, aldez aurreko planteamendua, eskemaren garapena eta zirkuitu inprimatuaren diseinua suposatuko duelarik.



T5- Sentsoreak. Sentsore mota jakin bati buruzko informazioa bilatzea, txostena egitea eta

ikasgelan aurkeztea.



Lanak taldeka (binaka) egingo dira. Azken notari egindako ekarpenaren % 30a, hau da,

taldeko kide bakoitzak 45 ordu (0,3* 150) eskaini behar zeregin hauei. Eta lan hauengandik lan-karga horretara egokitua maila espero da.



Osasun-egoeraren arabera, laborategiko lanak aldatu egin daitezke, banakakoak izan daitezke eta

etxeko lanak izan ditzakete, laborategietarako urruneko sarbidea ahalbidetuz behar izatekotan.



Ebaluazio jarraiari uko egin nahi izatekotan, lauhileko 10. astea baino lehen jakinarazi beharko zaio irakasleari. Kasu horretan, ohiko ebaluazio deialdian, ezohiko deialdirako adierazten diren ebaluazio irizpide berdinak aplikatuko dira (irakasgai osoaren azterketa integrala, eta azterketa hori gaindituz gero, osagaien eta zirkuitu inprimatuen garapenari buruzko azterketa praktikoa gainditu behar da).

Orcad programa, 16.0 bertsioa edo ondorengoak, eskemen trazadurarako aplikazioa (Capture) eta
zirkuitu inprimatuak diseinatzeko "PCB Editor" aplikazioa. Programa hau lizentziarekin instalatuta dago diseinu elektronikoko laborategian. Gehieneko osagai-kopurua mugatzen duen ebaluazio-bertsio bat dago, ikasleek beren lanean erabil dezaketena, bertsio horrekin bateragarria den osagai kopurua duen lana planteatzen baita.

Oinarrizko bibliografia

1. Apunteak eta gelako gardenkiak. Gelako ariketak.

2. R. Álvarez Santos. "Materiales y componentes electrónicos pasivos", EDITESA, Madrid,1996.

3. K. Mitzner. "Complete PCB Design Using OrCAD Capture and PCB Editor". Newnes, 2009.

4. M. A. Pérez García eta beste batzuk. "Instrumentación Electrónica" .Editorial Thomson-Paraninfo.

5. Ramón Pallas Areny. "Transductores y acondicionadores de señal". Editorial Marcombo.

Gehiago sakontzeko bibliografia

1. "Sistemas de instrumentación". Haibat autore. Alcalá de Henaresko Unibertsitateko argitalpen-zerbitzua. 1994.
2. "Adquisición y distribución de señales". Ramón Pallàs Areny. Marcombo. 1993.
3. "EMI control in the design of printed circuit boards and backplanes". Donald R. J. White. Don White Consultants, Inc. 1982.
4. "Circuitos impresos. Teoría, diseño y montaje". J. González Calabuig, Mª A. Recasens Bellver. Paraninfo. 1997.

Aldizkariak

1. Elektor (http://www.elektor.es/)
2. Eurofach electrónica. Goodman Business. Madrid (http://eurofach.es/)