Eskumen orokorrak:

G003 Metodo eta teoria berriak ikasteko gaitasuna emango duten eta egoera berrietara egokitzeko aldakortasuna emango duten oinarrizko irakasgaiak eta gai teknologikoak ezagutzea.



Zeharkako eskumenak:

T001 Arazoak ekimenez, erabaki-hartzeaz, sormenaz eta arrazoiketa kritikoaz ebazteko gaitasuna, beitere pertsona guztientzako diseinuaren printzipioak errespetatuz.



Eskumen espezifikoak

M02FI04 Sistema linealen oinarrizko kontzeptuak eta horiekin lotutako funtzioak eta transformatuak ezagutu, ulertu eta menderatzea, biomedikuntzako ingeniaritzaren arloan.



Ikaskuntzaren emaitzak (titulazioa):



RAG7 Graduatua gai izango da ingeniaritzako gai oinarrizkoen eta teknologikoen kontzeptuak eta teknikak identifikatzeko (marrazketa, informatika, elektronika, elektrizitatea, mekanika, automatika, komunikazio-teknologiak, energia). Honetan oinarrituz graduatua metodo eta teoria berriak ikasteko gai izango da eta egoera berrietara egokitzeko moldakortasuna izango du.



RAT1 Graduatua arazoak ekimenez, erabakiak hartuz, sormenez eta arrazoibide kritikoz ebazteko gai izango da.

1. gaia. Sarrera seinale biomedikoen prozesaketara.

2. gaia. Seinale jarraituak eta diskretuak denboraren eremuan.

-Seinaleen sailkapena. Oinarrizko seinaleak. Aldagai askearen transformazioa. Seinaleen karakterizazioa denboraren eremuan.

3. gaia. Sistema jarraituak eta diskretuak denboraren eremuan.

-Sistemen propietateak. Sistema lineal aldaezinak (LTI sistemak). Konboluzioa. LTI sistemen interkonexioa. Ekuazio diferentzialen eta diferentzia-ekuazioen bidez deskribatutako LTI sistemak. LTI sistemen inplementazioa.

4. gaia. Seinaleen analisia maiztasunaren eremuan.

-Fourierren seriea. Fourierren transformatua. Propietateak.

5. gaia. LTI sistemen analisia maiztasunaren eremuan.

-Maiztasun-erantzuna. Iragazketa lineala. Iragazki motak. FIR eta IIR iragazki diskretuak.

6. gaia. Laginketa.

-Seinale jarraituen laginketa. AD eta DA bihurketak.

7. gaia. Denbora-korrelazioa eta espektroa.

-Autokorrelazioa eta korrelazio gurutzatua. Energiaren eta potentziaren espektro-dentsitatea.

8. gaia. Fourierren transformatu diskretua (DFT).

-Definizioa. IDFT. Laginketa maiztasunean. FFT algoritmoen bidezko aplikazioa.

9. gaia. Seinalearen maiztasun anitzeko prozesatzea.

-Interpolazioa eta hamarrentzea denboran eta maiztasunean. Aplikazioak.

Ikasgaia bakarka nahiz taldean lantzen da. Zati magistrala banaka lantzen den bitartean, gelako praktikek bi modalitateak konbinatzen dituzte, eta laborategiko praktikak taldean egingo dira.



Eskola magistraletako eduki teorikoen azalpenak, adibide praktiko argigarrien planteamendu eta garapenarekin batera, balio izango dute, oro har, ikasleen lan autonomoa sustatzeko. Horrekin lortu nahi da ikaslea erantzuteko gai izatea planteatzen zaizkion galdera eta problema berriei. Banakako lana lehenetsiko bada ere, talde-lanaren dinamikak erabiliko dira egindako lana ebaluatzeko.



Laborategiko praktiken modalitatean, aurrez aurreko eskolak seinale-prozesaketaren oinarrizko aplikazioak MATLAB ingurunean lantzeko erabiltzen dira. Batez ere, talde-lana sustatu nahi da, ikasgelan elkarlanean garatu beharreko zeregin praktikoak proposatuz. Gelako lanean, praktika bakoitzeko txosten bat prestatu beharko da.



Eskola magistralen eta ikasgelako praktiken modalitateetan, denbora ez-presentziala etengabeko ikasketara eta problemen ebazketara –metodo analitikoak zein zenbakizkoak erabiliz– bideratuko da, banaka zein taldean. Laborategiko praktiken modalitatean, denbora ez-presentziala praktikak prestatzeko eta txostenak era kolaboratiboan doitzeko erabiliko dira. Irakasle-taldeak laborategiko lan gehiena saio presentzialen barruan egitea sustatuko du.

Eduki teoriko/praktikoaren ebaluazioa (modalitate magistrala + gelako praktikak) eta laborategiko praktikena elkarren independenteak dira.

Irakasgaia gainditzeko, atal bakoitzean 10 puntutik gutxienez 5 puntu lortu behar dira.

Ataletariko bat gaindituz gero, lortutako nota ezohiko deialdirako gordeko da.



1. zatia. Eduki teoriko/praktikoaren ebaluazioa (magistrala + gelako praktikak). Esleitutako haztapena, guztira: % 75.

a) Lehen partziala: 1-4 gaiak amaitzean, idatzizko azterketa partzial bat egingo da, galdera laburrez eta problemez osatua.

Esleitutako haztapena: %22. Atera beharreko gutxieneko nota: 10 puntutik 4 puntu.

b) Ohiko deialdiari lotutako data ofizialean idatzizko bi proba egingo dira, hurrenkera honetan:

b.1) Bigarren partziala: 5-9 gaiei buruzkoa, galdera laburrak eta problemak izango dituena. Esleitutako haztapena: %38.

Atera beharreko gutxieneko nota: 10 puntutik 5 puntu.

b.2) Lehen partziala: 1-4 gaien berreskuratzea gutxieneko nota lortu ez duten ikasleentzat. Esleitutako haztapena: %22.

Atera beharreko gutxieneko nota: 10 puntutik 4 puntu. Proba honetara aurkezteak aurreko kalifikazioa (a atala)

baliogabetuko du.



c) Gai bakoitza amaitzean proposatutako problemak ebaztea eta entregatzea. Esleitutako haztapena: % 15.



2. zatia. Laborategiko praktiken ebaluazioa. Esleitutako pisua, guztira: % 25.

a) Praktiken txostenak. Esleitutako haztapena: % 20.

b) Txostenak aurkeztea. Esleitutako haztapena: % 5.



Aurreko mekanismoetariko batean eskatutako gutxieneko nota lortzen ez bada, GAUReko azken nota kalkulatzeko haztapen-formula aplikatuko da, 10en gainean gehienez ere 4.5eko nota lor daitekeelarik.



__________________________________

Ebaluazio jarraituari uko egitea.



Ikasleek ebaluazio jarraituari uko egin ahal izango diote ikastaroko 9. astera arte, azken hau barne. Uko egiteko-idazkia, behar bezala sinatuta, irakasle-taldeko edozein kideri eman beharko zaio.



Etengabeko ebaluazioari uko egin dioten ikasleek, ohiko deialdiaren data ofizialean b) atalean adierazitako bi probak egin beharko dituzte (b.1 eta b.2 itemak; esleitutako haztapena: % 75). Horrezaz gainera, laborategian proba praktiko bat egin beharko dute (% 25eko haztapena). Ikasgaia gainditzeko, proba guztietan 10 puntutik gutxienez 5 puntuko nota lortu beharko dute.



____________________________

Ohiko deialdiari uko egitea.



Ohiko deialdiari uko egiteko, nahikoa izango da ohiko deialdiaren egun ofizialean azterketara ez aurkeztea.

- Apunteak, aurkezpenak eta baliabideak eGelan.
- Galdera laburren eta problemen bildumak eGelan.
- Laborategiko praktiketako materialak.

Oinarrizko bibliografia

1. Oppenheim AV, Willsky AS. Signals and systems. Prentice Hall International, Inc. ISBN: 978-0138147570

2. Proakis JG, Manolakis DG. Introduction to Digital Signal Processing. Macmillan Publishing Company. ISBN 978-0023968105

3. Siebert WM. Circuits, Signals and Systems. Cambridge, MA; MIT Press, 1985. ISBN 978-02621192293.

4. Karu ZZ. Signals and Systems Made Ridiculously Simple. Huntsville, AL: ZiZi Press, 1995. ISBN 978-0964375215

Gehiago sakontzeko bibliografia

1. Bioelectrical signal Processing in cardiac and neurological applications. Elsevier Academic Press. ISBN 978-0124375529.
2. Semmlow JL. Biosignal and Biomedical image processing: Matlab-based applications. Marcel Dekker. ISBN 978-0824748036.