Irakasgaiaren azalpena eta testuingurua

Datu kualitatiboen analisia gizarte eta hezkuntza ikerketan 3 ECTS-ko hautazko irakasgaia da, eta master honetako Ikerketa-metodologiako moduluaren barruan dago. Bloke honek ikasleek ikertzen ikasteko baldintzak sortzean jartzen du arreta, eta, zehazki, erantzun irekiko galdetegiak, elkarrizketa sakona edo eztabaida-taldeak bezalako teknikak erabiltzen dituzten ikerketak erabiltzean, hau da, ikerketarako hurbilketa kualitatiboa osatzen duen guztian.

Datu kualitatiboen azterketa funtsezko tresna da gizarte eta hezkuntza esparruan ikerketa bat egiteko orduan. Irakasgai honen helburua da ikasleek ezagutzea eta praktikan jartzea batez ere gizarte eta hezkuntza ikerketaren esparruan erabiltzen diren datu kualitatiboak aztertzeko eta tratatzeko teknikak eta estrategiak. Horretarako, ikasleek lortutako informazio-bolumen handien esanahia erauzteko, antolatzeko eta aztertzeko prozedurak erabiltzen ikasiko dute, ondoren interpretatzeko eta emaitzak aurkezteko.



7 saio planteatzen dira, eta horietako 4 presentzialki emango dira, talde osoarekin alderdi teoriko-praktiko hauek landuz:



1) Ikerketa kualitatiboaren identifikazioa

2) Datu kualitatiboen analisiaren faseak

3) Datuak prestatu

4) Emaitzak lortu

5) Pakete informatikoak erabiltzen hasi



Gai bakoitzaren azalpen teorikoa landutako alderdiak barneratzen eta sakontzen lagunduko duten jarduera praktikoekin konbinatuko da. Praktika horiek banaka, talde txikian eta taldearen osoko bilkuran egingo dira, hausnarketa eta parte-hartze aktiboa sustatzeko helburuarekin.

Gelditzen diren beste 3 saioak online emango dira, lehentasuna emanenez ikasleen irakaskuntzari. Ikasle bakoitzak bere analisi kualitatiboak egin beharko ditu NVIVO programaren bidez, aurretik jasotako datuekin. Analisi-prozesua gidatzeko tutoretzak egingo dira.

Irakasgaia ikastean lortuko diren emaitzak

Ikerketa kualitatiboaren prozesuaren aukerak eta mugak gizarte eta hezkuntza testuinguruetan kokatzea eta ezagutzea.

Azterketa kualitatiborako teknikak eta programak egokitasunez aplikatzea eta erabiltzea gizarte eta hezkuntzaren ikerketako esparruan.

Emaitzak bistaratzen eta aurkezten errazten duten dokumentuak egiteko trebetasuna adieraztea.

Datu kualitatiboak aztertzeko programekin lortutako emaitzak behar bezala interpretatzea eta balioestea.

Ohiko deialdia: orientazioak eta uko egitea

Ikaskuntzak ebaluazio jarraituko sistema baten bidez ebaluatuko dira. Sistema horrek honako jarraibide hauen arabera funtzionatuko du:



- Lan praktikoak. Praktiken txostenean, ikasleek irakasgaian egindako prestakuntza-jarduerak bilduko dituzte (% 50). Irizpide hauek hartuko dira kontuan ebaluazioa egiterako orduan: edukiaren argitasuna, zehaztasuna eta koherentzia, aztertzeko gaitasuna, laburtzeko gaitasuna...

- Txosten idatzia. Ikasleek lehenago jasotako datu kualitatiboetatik abiatuta ikerketa-txosten bat egin beharko dute, alderdi metodologikoak eta emaitza kualitatiboak bereziki azpimarratuz (% 50).Irakasgaian egingo den lan praktikoak harreman zuzena izango du ikasleek Master Amaierako Lanerako egiten dutenarekin (datu kualitatiboen sailkatzea eta interpretatzea). Zentzu horretan azken asteetako saioak doituko dira lanen gainbegiratzea eta feed-backa ahalik eta eraginkorrena izan dadin. Irizpide hauek hartuko dira kontuan ebaluazioa egiterako orduan: edukiaren argitasuna, zehaztasuna eta koherentzia, aztertzeko gaitasuna, laburtzeko gaitasuna...

- Ahozko aurkezpena. Amaierako txosten idatziaren azalpena: txostenaren 2. atalarekin aurreratutakoa azaldu eta feedbacka apreziatiboa egin. (Ezinbestez aurkeztu behar kalifikaziorako)



Entregatzeko epeak. Zuzendutako jarduera ikasgaiaren azken saioan aurkeztuko da. Ondoren, ikasleek azken klasetik 15 eguneko epea izango dute praktika-dosierra eta zuzendutako jarduera entregatzeko.



Amaierako ebaluazioa. Ikasleak azken ebaluazioko sistemaren bidez ebaluatzeko eskubidea izanen du, ebaluazio jarraituko sisteman parte hartu duen edo ez kontuan hartu gabe. Horretarako, ikasleek idatziz aurkeztu beharko diete irakasgaiaren ardura duten irakasleei etengabeko ebaluazioari uko egiteko aukera. Horretarako, 9 asteko epea izango dute lauhileko irakasgaietan eta 18 astekoa urteko irakasgaietan, lauhilekoa edo ikasturtea hasten denetik hasita, hurrenez hurren, ikastetxearen egutegi akademikoaren arabera.

Uko egitea. Ikasleek uko egin ahal izango diote deialdi arruntean ebaluatua izateari, unibertsitate-masterretako ikasleen iraunkortasunari buruzko araudiko 2.2.2 artikuluaren ondorioetarako zenbatu ez dezaten. Eskubide hori erabiltzeko, uko egiteko eskabide idazkia bidaliko zaio Masterraren Batzorde Akademikoari, eta administrazio-idazkaritzaren bidez izapidetuko da. Idazkia irakasgaiaren irakaskuntza aldia amaitu baino lehen aurkeztuko da.

Plagioa. Irakasgai honek plagio kasuetarako prebentzioari eta jardunari buruzko protokoloa betetzen du, bai eta ebaluazio probetan eta lan akademikoetan kopia edo iruzurra egiteari buruzkoa ere, eta, beraz, EHUk zehaztuta dituen neurriak aplikatuko ditu, bertan aurreikusitako edozein egoera hautemanez gero. Era berean, ikerketako etika-protokoloei eta UPV/EHUk hizkuntzaren erabilera ez-sexistarako ezartzen dituen orientabideei erantzuten die.

Ezohiko deialdia: orientazioak eta uko egitea

Ohiko deialdian irakasgaia gainditzen ez duten ikasleek, deialdi horretan aukeratutako ebaluazio-sistema edozein dela ere, ezohiko deialdiaren amaierako ebaluazio-probara aurkezteko eskubidea izango dute.

Proba horrek azterketa bat (kalifikazioaren% 80, masterrak ezarritako egunean eta orduan egitekoa) eta banakako praktikak (kalifikazioaren% 20) izango ditu.

Uko egitea. Ikasleek uko egin ahal izango diote deialdi arruntean ebaluatua izateari, unibertsitate-masterretako ikasleen iraunkortasunari buruzko araudiko 2.2.2 artikuluaren ondorioetarako zenbatu ez dezaten. Eskubide hori erabiltzeko, uko egiteko eskabide idazkia bidaliko zaio Masterraren Batzorde Akademikoari, eta administrazio-idazkaritzaren bidez izapidetuko da. Idazkia ikasturte bakoitzeko uztailaren 15a baino lehen aurkeztu behar da

Irakasgai-zerrenda

Irakasgaian zehar, eduki teoriko-praktiko hauek landuko dira:

- Ikerketa kualitatiboko arazo aurreratuak identifikatzea eta baloratzea

- Transkripzio-prozesua

- Informazioa murriztea. Datuen kategorizazioa eta kodifikazioa

- Pakete informatikoak erabiltzen hastea, hala nola Nvivo/Atlas.ti

- Emaitzak lortzea. Ereduak, sare semantikoak, grafikoak, txostenak eta laburpenak sortzea

- Emaitzak interpretatzea

Bibliografia

Nahitaez erabili beharreko materiala

Irakasleek egindako materialak, campus birtualeko plataformetan eskuragarri egongo direnak.

Oinarrizko bibliografia

Ballestín, B. & Fàbregues, S. (2018). La práctica de la investigación cualitativa en ciencias sociales y de la educación. Editorial UOC

Gibbs, G. (2012). El análisis de datos cualitativos en investigación cualitativa. Ediciones Morata.

Tójar, J.C. (2006). Investigación cualitativa. Comprender y actuar. La Muralla.

----------

Colás, M.P. & Buendía, L. (1995). Hezkuntzaren Ikerkuntza. EHU Argitalpen Zerbitzua

Juaristi, P. (2003). Gizarte ikerketarako teknikak. Teoria eta adibideak. EHUko Argitalpen Zerbitzua

Mesonero de Miguel, M. (2005). Ikerketa-proiektuak lantzeko teknikak. UEU – Udako Euskal Unibertsitatea

Gehiago sakontzeko bibliografia

Bausela, E. (2012). Analisis cualitativo de datos con apoyo informatico QSR NUDIST (NVIVO).



Buendía, L. (1999). Modelos de Análisis de la Investigación Educativa. Ediciones Alfar.



Denzin, N. K., & Lincoln, Y.S. (2012). Manual de investigación cualitativa. El campo de la investigación cualitativa. Gedisa.



Flick, U. (2004). Introducción a la investigación cualitativa. Ediciones Morata.



Jorrín, I.M., Fontana, M. & Rubia, B. (coor.) (2021). Investigar en Educación. Editorial Sintesis.



Ramos, G. & Chiva, I. (2021). Métodos de recogida de información en educación. Tirant Humanidades.

Aldizkariak

Estekak