Pertsona, Familia eta Ondarea Ikerketa Taldeak UPV/EHUko Enpresa Zuzenbidea eta Zuzenbide Zibila Saileko iuszibilista-multzo ugari biltzen ditu. Ikertzaile horiek etengabeko irakaskuntza eta ikerkuntza-kezka dute Taldeari izena ematen dioten arlo guztietan (Pertsonaren Zuzenbidea, Familiaren Zuzenbidea eta Ondarearen Zuzenbide Zibila) zorroztasunez eta zehaztasunez sakontzeko, bai Estatuaren ikuspegitik, bai Euskal Zuzenbide Zibilari arreta berezia jarriz, eskumenen eta erakundeen aldetik.

Pertsona, Familia eta Ondarea Taldea Euskal Unibertsitate Sistemaren Ikerketa Talde Bateratutzat onartua dago, eta bere egungo jarduera, Eusko Jaurlaritzak ebatzitako azken deialdiaren arabera, 2022-2025 laurtekora hedatzen da (GIC IT-1445-22).

Taldea osatzen duten ikertzaileek, betiere espiritu kritiko eta zorrotz berarekin, emaitza zientifiko aipagarriak lortu dituzte, gehienetan kanpoko finantzazio lehiakorra duten hainbat ikerketa-proiekturen barnean.

1. Pertsonekin elkarbizitzarekiko errespetu handiagoa izateko eskakizunak, bai gizabanakoaren bai familiaren ikuspegitik: tradizioa eta berrikuntza.

2. Zuzenbide pribatuaren gunerik arazotsuenak: pertsona, kontratazioa, kalteak, erantzukizuna eta bermeak.

3. Gure ingurune juridiko-politikoak planteatutako galdera berriak: Euskal zuzenbide zibila (erreala eta posiblea).

4. Ondarearen gaiei buruzko ikuspegi berria egungo testuinguru ekonomikoan: berme errealak, berme pertsonalak eta kontsumitzailearen babesa.