Ikasketa Feministak eta Generokoak Doktoregoa

Ikasketa Feministak eta Generokoak doktorego programa hau bideratuta dago gizarte eta lege zientzietan eta historian doktorego tesiak egitera (antropologia, politika eta administrazio zientzia, ikus-entzunezko komunikazioa, zuzenbidea, ekonomia, kazetaritza eta soziologia). Genero ikasketetako graduondoko prestakuntza duten pertsonentzat dago pentsatuta, baina kontuan hartzen da esperientzia sozial eta profesional feminista ere.

Ikasketa Feministak eta Generokoak eta/edo Emakumezkoenak arloan kokatzen da, zeina esparru zientifiko finkatua baita bai hemen, bai estatuan eta bai nazioartean. UPV/EHUk esparru honetan egin duen ikerketa lana aberatsa, zabala eta askotarikoa da. Horren erakusgarri dira, besteak beste, orain arte egin diren ikerketa proiektu eta kontratuak, doktorego aurreko kontratuak, doktorego tesiak eta argitalpenak, graduko eta graduondoko irakasgai espezifikoak, ikastaroak, eta jardunaldi eta ekitaldi zientifikoak.