Elikadura Kalitatea eta Segurtasuna Doktoregoa

Elikagaien Segurtasuna eta Kalitatea doktorego programak elikagaien segurtasunaren –horren bi alderdietan, hau da, alderdi mikrobiologikoan eta kimikoan– eta elikagaien kalitatearen arloko –horren zabaltasun osoan, alderdi nutritibo, sentsorial, osasungarri eta teknologikoak barne hartuta– ikerketarako prestakuntzarekin lotutako diziplina anitzeko alderdiak biltzen ditu.

Programak kalitatearekin eta segurtasunarekin zerikusia duten alderdiak jasotzen ditu, lehengaiekin hasita eta amaierako produktuekin bukatuta, betiere kontsumorako elikagaiak fabrikatu, eraldatu, kontserbatu eta prestatzeko prozesu teknologikoak kontuan hartuta. Doktorego programa hau bermatzen duten ikertaldeek elikagaien kalitate eta segurtasunerako oso garrantzitsu eta osagarriak diren arloetan duten espezializazioa baliatu ahal da.