CV Laburra

Ingeniaritza Kimikoan titulatua (UPV/EHU, 2004) eta Euskal Herriko Unibertsitateko Doktorea (UPV/EHU, 2011).

Gaur egun irakasle agregatu postua betetzen dut Zientzia eta Teknologia Fakultateko Ingeniaritza Kimikoa Sailean (UPV/EHU).

Nire irakaskuntza lan guztiak Euskal Herriko Unibertsitatean burutu ditut. 2006an hasi nintzen lan kontratuko bitarteko irakasle bezala Donostiako Unibertsitate Eskola Politeknikoan (UPV/EHU), eta 2007 urtetik aurrera nire irakaskuntza eta ikerkuntza lan guztiak Zientzia eta Teknologia Fakultatean (UPV/EHU) burutu ditut.

Ingeniaritza Kimikako klaseak emateaz gain, ikerkuntzarekin jarraitzen dut Prozesu Katalitikoak eta Hondakinen Balioztatzea (PROCAT-VARES) ikerketa taldearen barnean. Ikerketa taldean garatu zen gas-solido kontaktuan oinarrituriko teknologia berri baten (Spouted Bed Konikoa) ikerketa fluidodinamikoan dihardut, ondoren emango zaion lehorketa eta hondakin ezberdinen balioztapen aplikaziotara bideraturik.

JRC-an indexaturiko 37 artikuluren (h=17, WoS) eta indexatu gabeko 8 artikuluren egilea naiz. Gainera, patente baten sortzaileetako bat naiz, 33 ikerkuntza proiektuetan parte hartu dut ikertzaile laguntzaile bezala eta 2 Doktorego Tesiren zuzendari izan naiz. Hainbat aldizkari internazional eta nazionalen zentsore bezala parte hartzen dut, eta Ekaia EHUko zientzia eta teknologiaren aldizkarian koordinatzaile lanak egiten ditut.

Irakasgaiak

INGENIARITZA KIMIKOKO GRADUA: Erreaktoreen diseinua (euskaraz eta gaztelaniaz), Esperimentazioa Ingeniaritza Kimikoan I (euskaraz)

KIMIKAKO GRADUA: Ingeniaritza Kimikoa, Industria Kimikako Proiektuak (euskaraz)

BIOTEKNOLOGIAKO GRADUA: Erreaktoreen diseinua (euskaraz eta gaztelaniaz)

INGENIARITZA KIMIKOA UNIBERTSITATE MASTERRA: Combustibles desde Fuentes Alternativas al Petróleo (gazteleraz)

Bulegoa

B1.P1.14 (ZTF-FCT)