ZIENTZIA, TEKNOLOGIA ETA BERRIKUNTZAREN XVI. ASTEAN BURUTU DAITEZKEEN JARDUEREN GAINEKO PROPOSAMENAK AURKEZTEKO DEIALDIA.

UPV/EHUko Ikerketaren arloko Errektoreordetzak, Enpresekiko Harremanetarako Zuzendaritzaren bidez, Zientzia, Teknologia eta Berrikuntzaren Astearen 2016ko edizioa antolatuko du, zientziaren kultura eta aurrerapen teknologiko berriak hedatzeko, gazteen artean zientziarako zaletasuna pizteko, eta gizarteak zientziarekiko duen konpromisoa eta inplikazioa areagotzeko.

Ikerketaren arloko Errektoreordetzaren asmoa aipaturiko Zientzia, Teknologia eta Berrikuntzaren Astean ahalik eta irakasle eta ikertzaile gehien parte har dezatela da, eta horretarako bertan parte hartzeko aukera emanez deialdi hau zabaltzea erabaki du.

Proposamenak aurkezteko epea 2016ko maiatzaren 31n amaituko da.

Zientzia, Teknologia eta Berrikuntzaren XVI. Astea burutzeko lekuak eta datak:

• Bilbon: Bizkaia Aretoa, 2016ko azaroaren 2tik 6ra bitartean.
• Donostian: Kursaal, 2016ko azaroaren 3tik 5era bitartean
• Vitoria-Gasteizen: Bibat Museoa, 2016ko azaroaren 3tik 6ra bitartean.

Deialdiaren inguruko gorabeherei buruzko galderak honako helbide elektroniko honetara zuzenduko dira: zientzia-astea@ehu.eus