UPV/EHUko Campus Bizia Lab ekimenaren barruan eta Arabako Campuseko Baratze Ekologikoaren espazioa aprobetxatuz, 4 orduko ikastaroa antolatu dute Hezkuntza eta Kirol Fakultateko Arantza Rico eta Igone Palacios irakasleek Vitoria-Gasteizeko Ingurugiro Gaietako Ikastegiaren laguntzarekin. Ikastaro honetan Arabako ikastetxe ezberdinetako 17 irakaslek hartu dute parte biodibertsitatearen oinarrizko kontzeptuak eta hauek lantzeko tresna didaktikoak ezagutu eta aplikatzeko. Horretarako, lehenik eta behin, “lekuan-oinarritutako ikaskuntza” ikuspegia erabili da, eskola bateko kanpo-espazioak eskaini ditzakeen aukerak aztertuz. Bigarrenik, ikasgelan eta oinarrizko tresneria zientifikoa  erabiliz, normalean ikusten ez ditugun izaki bizidunak ezagutu dute biodibertsitatearen ubikuotasuna eta funtzio zabala barneratzen laguntzeko.