Jarduera Fisikoaren eta Kirolaren Zientzietako doktore Julio María Callejak esperientzia du irakasle gisa, baita lehiaketa profesionalaren esparruan ere, eta bere egungo taldearekin batera funtsezko helburutzat hartu du, alde batetik, euskararen Bikain ziurtagiria lortzea, hizkuntza-gaitasun hori duen ikastetxe aitortua izateko.

Bestalde, Bizkaiko eta Gipuzkoako campusekin ikerketa eremu komun bat garatzea planteatzen da, kirolarekin lotutako hezkuntza gaiei buruz edo kirolak hezkuntzari nola lagun diezaiokeen aztertzeko.

Era berean, gure autonomia-erkidegoan kirol-errendimendu altuarekin lotutako alderdietan espezializazio bat, graduondoko bat behar genuela identifikatu du. Euskadi motorra da, erreferentzia goi mailako kirolean. Neska-mutilen maila goreneko ordezkaritza dugu futbolean, saskibaloian, eskubaloian, txirrindularitzan... eta hori bultzatu behar dugu. Lehenengo gauza graduondoko bat izango litzateke, etorkizunean master ofizial bat egiteko asmoarekin. Orain ez dago eta Euskadiko ikasleak beste erkidego batzuetara joan behar dira.