Kalkulatu ahal izateko, kalkulu-denbora eskatu behar da Arinan. Kalkulatzeko denbora eska dezakete, batetik, EHUk kontratatutako irakasle eta ikertzaileek; eta bestetik, kanpoko agenteek (erakunde publiko edo pribatuak, enpresak…). EHUko ikertzaileek formularioa bete behar dute: indarrean dagoen deialdian beharko duten denbora eskatu behar dute, 2009. urtea.
Unibertsitatetik kanpoko ikertzaileek [intlink id=”1029″ type=”page”]teknikariekin[/intlink] jarri behar dute harremanetan.
Eskaerak Kalkulu Baliabideak Banatzeko Batzordeak ([intlink id=”2267″ type=”post” anchor=”k3b”]KB3[/intlink]) ebaluatuko ditu ; protokolo bati jarraituz; ikertzaileei eskaeren gainean hartutako erabakien berri emango zaie. BGUak medio fakturatuko da. Kalkulu-nodoak eskaera egin duten eta baimena jaso duten ikertzaile-taldeek bakarrik erabili ahal izango dituzte. Hilabeteko gastua zenbatekoa izan den jakiteko “gastua (hilabetea) (urtea)” komandoa erabil daiteke, edo monitorizazio web orrialdea.
Datu pertsonalak emateaz gain, kalkulu-denbora behar den proiektua deskribatu behar da eta proiektua bermatzen duten taldearen erreferentziak eman behar dira. Halaber, eskatutako denbora taldeko ze kidek erabiliko duten adierazi behar da. Erabiltzaileak talde bat baino gehiagotan egon daitezkeenez, erabiltzaile bakoitzak erabiltzen dituen kalkulu-denborak talde bati edo besteari egokitu behar dizkio.Eskatutako denbora gastatutakoan, taldeak kalkulatzen jarraitu nahi al duen erabaki behar da; aparteko denbora ere fakturatu egiten da. Kalkulatzeko denbora behin agortuta, gutxieneko lehentasuneko ilarak eta walltime txikiagoa erabili ahal izango dira.
Deialdia irekita utziko da, talde BERRIEK Arinan sartzeko aukera izan dezaten. Eskaerak hilabetean behin ebaluatuko dira.
Edozein zalantza baduzue, kontsultatu lasai teknikariei.