Solasaldiekiko iturriak

 

     Azterketa honetan erabili izan ditugun iturriak antolatzaileek berek sortu edo eskuetara etorri zitzaizkien langaiekin jaiotako artxibotik datoz, ia osorik. Batzuetan Idazkaritzak eta batzordeek beren barne-lanetan burututako idazlanak dira; bestetan, kanpoko lankide eta bestelakoentzat idatzitakoak. Artxiboan bildu den parte on bat hemeroteka da, hau da, aldizkarietan Solasaldiei buruz esaten zena bilduz metatutako langaiak.

 

Solasaldien artxibategia

 

     Artxibo hau ez dago guztiz ordenatuta, eta K. Santamariaren beste esparruetako langaiak eta harremanak ere ispilatzen ditu. Oraingo egoera honelatsu laburtu liteke.

 

Urtez urteko karpetak

 

     Orokorki, honelako langaiak izan ditzake karpeta bakoitzak:

     — Parte-hartzaileen zerrendak.

     — Gaiaren lehen azalpen orokorra.

     — Bileretarako eztabaida-gidoiak (orokorrak, berezituagoak).

     — Txostenak eta komunikazioak.

     — Eztabaida bakoitzaren berriemateak.

     — Teologoen Batzordearen oharra.

     — Prentsarentzako berriemate ofizialak.

     — Prentsa eta aldizkarietan agertutakoak.

 

Karpeta monografikoak

 

     — Erroma eta Hierarkia: Estatu Idazkaritza, Ofizio Santua, etab.

     — Solasaldien Batzordea (Junta).

     — Teologoen Batzordea.

     — Diru-kontuak.

     — Beste zenbait erakunderen paperak (hainbat karpeta).

 

Eskutizketa

 

     — Batzuetan, urterokoetan banatuta.

     — Zenbait urtetakoak batera, solaskideen arabera ordenaturik.

 

Solasaldien argitalpenak

 

     Solasaldietatik eta berauek eztenkatuta, lanik franko kaleratu zen urte haietan, gehienetan solaskideek topaketa haietarako prestaturiko langaiak, edota elkarrizketen berri emateko idatzirikoak, bai egunkarietan eta berdin aldizkari berezituetan. Baina bada, horiez gain, Solasaldiek berek argitara eman zuten aldizkari bat: Documentos zeritzan aldizkari horrek, eta 1949tik 1956ra bitartean kaleratu zen. Hogeita bi zenbaki eman ziren argitara, hirutan bederen zenbaki bikoitza zela (11-12, 13-14 eta 17-18).

 

Solasaldietarako argitalpenak

 

     Hainbat motatako paperak argitaratu zitezkeen: deia egiteko, egitarauaren barneko zenbait ekintzatarako, nazioartean propaganda gisara erabiltzeko, etab. Ez dirudi urtero gauza berak argitara eman zirenik, eta gorde ere ez da dena gorde, horren susmoa dugu behintzat.

 

Solasaldi tarteko argitalpena: Documentos aldizkaria (1949-1956)

 

     Ia beti aldizkariak gai nagusi bat izaten zuen, orokorki aurreko Solasaldiei zegokiena, baina bere orrialdeetan bildu ohi ziren baita solaskideen lan solte batzuk ere, eta sarriagotan Solasaldien Idazkaritzari ongi zeritzon nazioarteko hainbat eztabaida eta agiri ere. Hona zenbakietako gai nagusien zerrenda, gaztelaniaz emanda.

 

     1— Conversaciones 1948. Derechos del hombre.

     2— Un nuevo orden: Derechos Humanos. La Iglesia y la libertad.

     3— Cristiandad y universalismo. Iglesia en la Europa nueva. Propaganda.

     4— Libertad religiosa. Derechos humanos. Unión de las Iglesias.

     5— La unidad mundial. Opinión pública y paz. Notas para el diálogo.

     6— Bases cristianas para la unidad Europea. Libertad en la Iglesia. Conversaciones 1950.

     7— Educación en el Este y el Oeste. Bases cristianas para la unidad Europea.

     8— Visión cristiana sobre el patriotismo.

     9— La paz o la guerra. Patriotismo. Derechos naturales.

     10— La libertad religiosa. la actividad política.

     11/12— La eficacia temporal del Cristianismo.

     13/14— La misión de los seglares en la Iglesia.

     15— El apostolado sacerdotal obrero.

     16— La obediencia de los católicos. Reforma y crítica en la Iglesia.

     17/18— Obediencia civil y eclesiástica, y libertad de los cristianos.

     19— ¿Neutralidad política de la Iglesia? Aspectos históricos.

     20— ¿Neutralidad política de la Iglesia? Planteamientos diversos, aspectos teológicos.

     21— Lo mudable y lo inmutable en la vida de la Iglesia (I).

     22— Lo mudable y lo inmutable en la vida de la Iglesia (II).