Carlos Santamaría y su obra escrita
Egunetik egunera
Zeruko Argia, 125 zk., 1965-07-18
Uztaillak, 1
«Idazkera simple ta xume bat ikusten degunean arritu ta lilluraturik gelditu oi gera, idazle bat topatu zai geundela gizon bat arkitu degulako».
Blas Pascal aundiak ala esaten du zorrozki.
Egia da euskeraz, gañerako izkuntza guzietaz bezela, korapillo ta nahasik gabe idaztea oso zalla dala. Baita idazle famatua baño gizon eldu uts bat arkitzea zallagoa oi dala ere. Xumetasuna, simplizidadea, ez da landare ugaria mundu ontan. Zenbat eta gehiago begiratzen zaion, ainbat eta geiago eskutatzen da. Nai dana esatea, eta argiro ta itz gutxitan, abilidaderik nagusiena da.
Uztaillak, 4
Euskera galduko al da ala ez? Berrogei urte edo berrogei milla urte biziko al da?... Auntzaren ametsak!... Bide alper eta zabaletik saiestuak gabiltzala dirudi. Ez da ainbeste euskeratzaz mintzatu bear, batez ere euskeraz mintzatu. Biarko egunean mundu bera izango dan ere ez dakigu.
Uztaillak, 6
Gauza bat sekula gertatu ez dana beñere gertatuko ez dala esatea aski ez da. Ba zan ere Tandil'en, Ameriketan, arri izugarri bat, puntu txiki baten gañean soilki ttentte irauten zana amaika sekuletatik. Egun batean arren erori zan eta Tandil'eko arkaitzaren miraria sekuletarako bukatu zan. Oitura lege biurtu oi degu ta batzutan egi aunditzat artzen ditugunak, oitura utsak besterik ez dira izaten. Oitura bat aldatu nai ta zerua lurrera erori zaigula dirudi. Alabaña, Erioa etorri ta oitura guziak porruak landatzera joan bear.
Uztaillak, 7
(San Permin naparra). Gaitzaren problema izugarrizko problema da. Erren bat Iruñara joan zan, San Permiñetara, bere lagun batekin. Asi zan besteak bezela zezenen aurretik korri naiean, bañan, jakiña, ezin, eta gelditu bear izan zuen, zuzen ta mutillak igarotzen ikusirik. Oso trixte ta goibel gelditu zan, besteak ain ederki bere bi zankoekin saltoka ta dantzaka zabiltzala ikustean, bera berriz geldirik egon bear zuelarik. Gerokoan zezentxo batek bere laguna arrapatu, bi zanku ondatu ta erdi illa utzi zuen. Noizean bein errena izateak ere bere abantaillak ba ditu.
El sistema de búsqueda busca una sucesión de letras dada (no funciona con lematizador y no realiza análisis lingüístico).
Busca las formas que comienzan con la sucesión de letras dada, y no contempla dicha búsqueda en interior de palabra (el resultado de la búsqueda barc será barca, barcos, Barcala, Barcelona, barcelonesa..., pero no embarcación, embarcarse...).
Se pueden buscar sucesiones de palabras (pacifismo cristiano, por ejemplo, o partido comunista francés).
Es posible especificar el corpus: solo en textos en castellano / solo en textos en euskera / en todos los idiomas (euskera, castellano y francés).