RAKEL OION ENCINA

Ezagutza arloa

Gizarte Langintza eta Gizarte Zerbitzuak

Saila

Soziologia eta Gizarte Langintza

Ikastegia

Lan Harreman eta Gizarte Langintza Fakultatea

Posta elektronikoa

rakel.oion@ehu.eus

Gizarte Langintza diplomatua (1996), Gizarte eta Kultur Antropologia lizentziatua (1998), Kulturarteko Hezkuntzako espezialista (1998) eta Genero eta Garapenean (2003) eta Feminist and Gender Studies (2009) aditua. 1990az geroztik nazioarteko lankidetzan eta garapenerako hezkuntzan ibilbide profesionala eta UPV / EHUko irakaslea 2010. urteaz geroztik. Graduondoko hainbat titulutan irakasten du: "Nazioarteko Lankidetza eta Hezkuntza Emantzipatzailea" Hegoa Unibertsitate Institutua; "Kudeaketa eta Berrikuntza Gizarte Zerbitzuetan", UPV/EHU; Generoa, maskulinitateak eta gizarte-ekintza ", UCM, UPV/EHU eta CEPAIM; Suizidiologiako U. Aditua", UPV/EHU.

Soziologia eta Gizarte Langintza Saileko kidea da. Halaber, euskal unibertsitatearen (IT1037-16) Giza Segurtasuneko, Bertoko Giza Garapen eta Nazioarteko Lankidetza (2016-2021) ikerketa taldearen kidea da. Gaur egun emakumezkoen berdintasun politikak gatazka armatu eta bakegintza testuinguruan doktorego tesia egiten ari da. Doktoregai bezala ikerketa egonaldiak egin ditu Kolonbiako Unibertsitate Nazionalean, Bogotá (2015), Massachusettseko Unibertsitateko Genero, Segurtasuna eta Giza Eskubideen Zentroko Partzuergoan, Boston (2017) eta Kolonbia-Karibeko Unibertsitate Nazionalean, San Andres (2018).

Nazioarteko kongresuetan ekarpen anitz. Bere ikerketa lerroak berdintasun politikak eta genero harremanak gatazka armatu eta bakegintza testuingurutan, gorputza politiketan eta giza eskubidetan eta ikasketa-zerbitzu metodologia.