Kurtso honek ikasleak programazio inperatiboko oinarrizko kontzeptuak menperatzea du helburu.Ikasleak bukaeran ezagutu eta behar den bezala erabiliko ditu hurrengo kontzeptu eta tresnak:



- Kontrol egiturak.

- Oinarrizko datu-motak.

- Azpiprogramak.

- Zehaztapenean oinarritutako ebazpen teknikak, beherako metodoa erabilita algoritmo baten diseinua, proba kasuen azterketa eta algoritmoen inplementazioa.

- Zerrenda estekatuak.

M01FB4 - Konputagailuen, sistema eragileen, datu baseen eta, orokorrean, ingeniaritzan aplikatzekoak diren programa informatiko guztien erabileraren eta programazioaren oinarrien berri izatea.

M01FB05 - Sistema informatikoen egituraren, funtzionamenduaren eta interkonexioaren berri izatea, baita haien programazioaren oinarrien berri ere.

Sarrera: Gaia hau programazioa zer den eta zeintzuk diren bere helburuak aurkeztean datza. Eta bidez batez programak garatzeko pausuak zeintzuk diren ere azalduko da, hala nola, espezifikazioa, algoritmoaren diseinua, programaren inplementazioa eta simulazioa. Programazio lengoaiak ere tratatzen dira erabiliko dena aurkeztuz.



Oinarrizko kontzeptuak: Algoritmoen diseinu eta idazketa azalduko da baliogarria izango den pseudokodea tresna bezala erabiliz. Honela, espresioak, oinarrizko datu motak, eragiketak, kontrol egiturak erabiliko dira, oinarrizko azpiprogramak erabilita bai sekuentziak tratatzeko eta baita problema matematikoak ebazteko algoritmoak diseinatuko dira.



Azpiprogramen diseinua. Gaia honetan programazio lengoaia konkretu batekin lan egiten hasiko da, aurretik ikasitako guztia lengoaia honetan inplementatuz eta ordenagailuan egikarituz. Aurreko gaian azpiprograma sinpleak landu dira, eta gaia honetan sakonduko da azpiprogramari buruz ikasitakoa. Funtzio eta prozedura arteko desberdintasunak, parametro formalak zein errealak, deiak eta prototipoak, aurrebaldintzak, postbaldintzak, aldagaien esparrua eta ikusgarritasuna e.a.



Datu egiturak. Hemen ataza desberdinak ebazteko behar diren datu egitura egokienak hautatzen eta diseinatzen ikasiko da. Horretarako hainbat kasu aztertuko dira non bektore, matrize erregistro, datu enumeratuak eta euren arteko konbinaketan erabili beharko diren.



Erakusleak: Erakusleak eta zerrenda estekatuak.

Klase teorikoetan, oinarrizko kontzeptuen azalpena, eta ikasleei planteatutako ariketak tartekatuko dira, ikaslearen partehartzea sustatzeko. Ikasleek planteatutako ebazpenak guztion artean eztabaidatuko dira, soluziorik hoberena hautatuz eta arrazoituz.



Laborategiei dagokionez, astero eskeiniko zaizkio ikasleari enuntziatu sorta bat, baita laborategian planteatutako ariketan ebazteko jarraitu beharko duen metodologia ere, eta bukatzeko ikasleak sortutako programen egokitasuna ebaluatzeko programak ere eskeiniko zaizkio. Horrela beti bere eboluzioa ikusteko gai izango da.

• Ebaluazio Jarraituaren Sistema
• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 100

Defektuz, ikasleak ebaluazio jarraian egongo dira, baina 11. astea arte aldaketa eskatzeko aukera izango dute.



EBALUAZIO JARRAITUA: proba indibidualak

- 1. partziala (%10)

- 2. partziala (%30)

- 3. partziala (%60)



Bakarkako proba idatzietan:

- gutxienez 5 bataz besteko ponderatua

- gutxienez 4 azken proba indibidualean



3. partzialera ez aurkeztuz gero kalifikazioa EZ AURKEZTUA izango da.



EBALUAZIO FINALA EDO BAKARRA



Irakasgaia gainditzeko ondorengo minimoak bete behar dira:

- Azterketan gutxienez 5/10 puntu lortu behar dira.

- Azterketa honetan, atal bakoitzean gutxienez %30-eko nota lortu behar da.



Lauhilabetekoaren amaieran azterketa bakarra burutuko da. Bertan, ikastaro osoan burututako materiala sartuko da. Azterketa ez bada burutzen, ikasleak EZ AURKEZTUA kalifikazioa izango du.



Ikasleen Ebaluaziorako Arautegiaren 11.3 artikuluan ezarritakoari jarraituz, proba ebaluagarrietan kopiaren bat detektatzen bada, irakasgaiaren azken kalifikazioa EZ GAINDITUA izango da parte hartzaile guztientzat.

EBALUAZIO JARRAITUA

Ohiko deialdian bezala izango da, baina 3. azterketa idatzia errekuperatzeko aukera egongo da. Azterketara aurkezten ez den ikaslearen kalifikazioa EZ AURKEZTUA izango da.



EBALUAZIO FINALA EDO BAKARRA

Ez-ohiko deialdiaren aurretik, ebaluazio jarraitutik finalera pasatzeko aukera dago, %100eko azterketa idatzi bat burutuaz, ikasgaian azaldu diren gaitegi guztiarekin.



Irakasgaia gainditzeko ondorengo minimoak bete behar dira:

- Azterketan gutxienez 5/10 puntu lortu behar dira.

- Azterketa honetan, atal bakoitzean gutxienez %30-eko nota lortu behar da.



Azterketara aurkezten ez den ikaslearen kalifikazioa EZ AURKEZTUA izango da.



Ikasleen Ebaluaziorako Arautegiaren 11.3 artikuluan ezarritakoari jarraituz, proba ebaluagarrietan kopiaren bat detektatzen bada, irakasgaiaren azken kalifikazioa EZ GAINDITUA izango da parte hartzaile guztientzat.

GNAT Studio (GPS)

Oinarrizko bibliografia

"Una Introducción a la programación. Un enfoque algorítmico". J.J.Garcia, F.J. Montoya,J.L Fernandez, M.J. Majado Thomson Ed. 2005

"Oinarrizko Programazioa. Ariketa-bilduma" Díaz de Ilarraza A., Sarasola K. Udako Euskal Unibertsitatea, 1999.

http://es.wikibooks.org/wiki/Fundamentos_de_programación

ADAko eskuliburua

http://es.wikibooks.org/wiki/Programación_en_Ada (bakarrik 1, 2, 3, 4, 5, 6, 7.1, 7.2,7.5,7.7, 8)

Gehiago sakontzeko bibliografia

"La práctica de la programación". B.W. Kernighan, R. Pike. Prentice Hall. Ed, 2000.
Code Complete: A Practical Handbook of Software Construction. Steve McConnell. Microsoft Press, 2004.

Web helbideak

es.wikibooks.org/wiki/Fundamentos_de_programación