Ekonomiarako Sarrera I: Mikroekonomiaren Oinarriak irakasgaiaren helburua ikasleari produktugilearen erabakien eta kontsumitzailearen teoriaren oinarriak erakustea da.

Hasiera emateko lehia perfektuko oreka partziala ikusten da, non ondasunen prezioak eta produkzio faktoreenak emanak dauden.

Ondoren, irakasgaiaren helburua enpresaren hautapenak aztertzea da, nola erabakitzen duen zenbat produzitu eta horrela hasieran ikusitako merkatuaren eskaintza lortuko da.

Azkenik, kontsumitzaileen jokaera aztertzen da. Errenta eta ondasunen prezioak emanik nola maximotzen duen baliagarritasuna ondasunen eskaria lortu ahal izateko.

Ekonomiarako Sarrera I: Mikroekonomiaren Oinarriak irakasgaiak etorkizunean graduatua izango denari tresnak ematen dizkio enpresen eta kontsumitzaileen jokaerak ulertu ahal izateko, bere jarduera profesionalean oso baliagarria izango zaiona.

Irakasgaiko irakasleek eskubidea izango dute irakaskuntzako metodologia eta ebaluazioa aldatzeko (hurrengo ataletan deskribatuko dira), baldin eta aurrez-aurreko irakaskuntza eta/edo ebaluazioa ezinezkoa bada gerora sortutako arrazoiengatik.

Kurtsoak ondorengo gaitasun espezifioak lortzen lagunduko du:

- Hoberenatzearen printzipioan oinarritzen diren eredu matematikoen bitartez kontsumitzailearen eta lehia enpresaren jokaeraren ezaugarriak zehaztu.

- Eskari eta eskaintza funtzioak lortu baliagarritasun eta mozkin funtzioen maximizazioaren ondorioz.

- Emaitzak formalizatu eta ekonomikoki azaltzen jakin.

- Aldagai ekonomiko garrantzitsuenek emaitzetan dituzten eraginak aztertu estatika konparatiboaren analisiaren bitartez.



Honetaz gain ondorengo zeharkako gaitasunak landuko dira:

- Taldean lan egiteko gaitasuna.

- Idatzizko komunikaziorako gaitasuna.

- Pentsamendu analitiko eta hausnarketa kritikorako gaitasuna.

1. Sarrera. Mikroekonomia eta eredu ekonomikoak: merkatuko eskaria eta eskaintza.

2. Ekoizpena.

- Teknologia.

- Produkzioa faktore aldakor bakarraz (lana).

- Produkzioa bi faktore aldakor erabiliz.

- Eskala etekinak.

3. Ekoizpen kostua.

- Kostuen neurketa.

- Epe laburreko kostua.

- Epe luzeko kostua.

- Epe luzeko eta epe laburreko kostu kurbak.

4. Mozkinen maximizazioa eta eskaintza lehiakorra.

- Konkurrentzia osoko merkatuak.

- Mozkinen maximizazioa.

- Sarrera marjinala, kostu marjinala eta mozkinen maximizazioa.

- Ekoizpen mailaren erabakia epe laburrean.

- Lehia enpresaren epe laburreko eskaintza kurba.

- Merkatuko eskaintza epe laburrean.

- Ekoizpen mailaren erabakia epe luzean.

- Industriaren eskaintza kurba epe luzean.

5. Kontsumitzaileen jokaera.

- Kontsumitzaileen lehentasunak.

- Aurrekontu murriztapenak.

- Kontsumitzaileen hautapena.

- Baliagarritasun marjinala eta kontsumitzaileen hautapena.

6. Gizabanakoaren eta merkatu-eskaria.

- Gizabanakoaren eskaria.

- Ordezte eragina eta errenta eragina.

- Merkatu eskaria.

- Kontsumitzailearen soberakina.

7. Merkatu lehiakorren azterketa.

- Kontsumitzailearen eta ekoizlearen soberakinak.

- Merkatu lehiakor baten efizientzia.

Elementurik garrantzitsuena klase magistrala dugu, zeinetan irakasgaia osatzen duten gai ezberdinak azalduko diren. Klase praktikoetan, irakasleak planteatutako ariketak ebatziko ditu. Jarduera ez presentzialei dagokienez, ikasleek materia landuko dute eta, zein banaka zein taldean, klase magistraletan analizatutako gaiekin erlazionatuta diren ariketak eta galdera teoriko-praktikoak ebatziko dituzte, hauek irakasleak ebaluatuko ditu.

• Azken Ebaluazioaren Sistema
• Kalifikazioko tresnak eta ehunekoak:
  • Garatu beharreko proba idatzia (%): 70
  • alde lanak (arazoen ebazpenak, proiektuen diseinuak) (%): 30

Lehenengo deialdian, ebaluazio jarraia aukeratzen duen ikaslearentzat, ebaluazioa mistoa izango da. Ikasturtean idatzizko azterketa bat egingo da zentroak ezarritako datan, zeinetan ikasleak ariketa teoriko nahiz praktikoak ebatziko dituen eta azken notaren % 70 izango den. Idatzizko azterketa honetaz gain, kurtsoan zehar egindako lana ere kalifikatuko da, azken notaren % 30 osatuz.

Kurtsoaren hasieran, eta lauhileko osorako, ikasleek lan-taldeak osatu beharko dituzte, bakoitzean 3-4 ikaslek hartuko dutelarik parte.

Taldeek, saio praktikoetan, gai bakoitzean proposatuko diren ariketak landuko dituzte. Ariketa hauek bi zatitan banatuta daude, enpresaren teoriari, alde batetik, eta kontsumitzailearen teoriari, bestetik, lotuta. Atal bakoitzeko azken saio praktikoan, irakasleek zenbait ariketa proposatuko dituzte ikasleek taldeka ebatzi beharko dituztenak eta klase bukaeran irakasleari eman beharko zaizkionak ebaluatzeko. Taldeek erantzun bakarra idatziko dute. Egindako ariketa guztietan, idatzizko komunikaziorako gaitasuna eta pentsamendu analitiko eta hausnarketa kritikorako gaitasuna ebaluatuko dira. Bi saio horietako ariketa bakoitza % 15 portzentaiaz ebaluatuko da (bien artean ebaluazio jarraiaren % 30 osatuz).

Ebaluazio jarraian parte hartu nahi bada, klase praktikoetara nahitaezko bertaratzea eskatzen da. Justifikatu gabeko asistentzia faltaren ondorioz, dagokion ataleko notan ikasleak 0 puntuko kalifikazioa lortuko du.

Ikasleek, praktiketatik, jasoko duten nota berdina izango da taldeko partaide guztientzat. Oharra: Hau ez da zertan mantenduko ikasleren batek ez baldin badu behar besteko partaidetza aktiboa erakusten, eta ondorioz, kideak baino nota baxuagoarekin kalifikatua izango da.

Ebaluazio jarraiko sisteman parte hartzen duen ikasleak edonoiz ebaluazio honi uko egin ahal izango dio eta azkeneko ebaluazioko sistemari heldu.

Azkeneko ebaluazioko sistemari heltzen dion ikasleak idatzitako azken azterketa (ikastegiak jarritako datan) egingo du. Azterketa honetan ikasleak ariketa bai teoriko bai praktikoak ebatziko dituen proba bakarra egingo du. Aipaturiko proba bi zatiz osatuta egongo da:

- Lehen zatia: ebaluazio jarraiko sistemari heltzen dioten ikasleek egindakoaren berdina izango da, eta azkeneko kalifikazioaren % 70 izango da.

- Bigarren zatia: ebaluazio jarraituko sistemari heltzen ez dioten ikasleentzat da bakarrik, eta azkeneko kalifikazioaren % 30 izango da.

Bigarren deialdian azken azterketa bat egongo da eta ebaluazioaren % 100 osatuko du.

Transparentziak, ariketak eta baliabide gehigarriak UPV/EHU eGela plataforman eskuragarri egongo dira.

Oinarrizko bibliografia

Gaztelaniaz:

- Microeconomía, 9ª edición. Robert S. Pindyck, Daniel L. Rubinfeld. Pearson Prentice Hall.

Ingelesez:

- Microeconomics, 9th Edition. Robert S. Pindyck, Daniel L. Rubinfeld. Pearson Prentice Hall.

Gehiago sakontzeko bibliografia

Gaztelaniaz:
- Microeconomía intermedia, un enfoque actual, 8ª edición. Hal R. Varian. Antoni Bosch Editor.
- Introducción a la Economía. Microeconomía, 1ª edición. Paul Krugman, Robin Wells. Reverté.
Ingelesez:
- Intermediate microeconomics: a modern approach, 8th Edition. Hal R. Varian. W. W. Norton & Company.
- Economics, 2nd Edition. Paul Krugman, Robin Wells. Worth Publishers.