Geologia Graduko "Landa lana" modulurako iradokitako ondorengo Gaitasun espezifikoak biltzen ditu temarioak:

M07GM7.1. Geologiako irudikapen kartografikoa egiteko sistemak ikastea

M07GM7.2. Mapa geologikoak interpretatzea

M07GM7.3. Mapa geologikoak egitea, landa datuak erabilita



Ondorengo zeharkako gaitasunak landuko dira ere:

GO03. informazioa bilatzeko eta kudeatzeko gaitasuna,

GO04. ezagutzak praktikan aplikatzeko gaitasuna

GO06. taldeka lan egitrko gaitasuna

GO09. ahozko eta idatzizko komunikazioa bere hizkuntzan



Ugari dira ikasgaiaren gaitasun espezifikoekin batera lantzen diren gaitasun orokorrak:

GO11 Geologiako teoriak, paradigmak, kontzeptuak eta printzipioak ezagutzea eta erabiltzea.

GO12 Zuzen erabiltzea Geologiako terminologia, nomenklatura, hitzarmenak eta unitateak.

GO13 Planetako prozesu geologikoen eta haien ondorioen (mineralak, arrokak, fosilak, egiturak, erliebeak, etab.) espazio eta denbora ikuspegi bat eskuratzea.

GO15 Landa lana eta laborategi lana arduraz eta modu seguruan egitea.

GO17 Landa eta laborategi laneko datuak eta oharrak eskuratzea, prozesatzea, aztertzea eta interpretatzea, teknika eta tresna egokien bidez, eta emaitzak modu egokian dokumentatzea landa koadernoan edo txostenetan.

GO18 Gai izatea problema geologiko bat ebazteko estrategia bat definitu eta inplementatzeko, eta dagokion txostena egiteko.

GO22 Landa esperientzia izatea hainbat eremu geologikotan, arrokei, egiturei, paisaiei eta beste elementu natural batzuei dagokienez.

PLANO AKOTATUAK.Itxurazko ikerdura;hiru puntuen ariketak; distantzia eta lodierak; zundaketak.

KARTOGRAFIA GEOMETRIKOA.Orientazio ezberdineko zeharebaki geologiko geometrikoak eraiki serie homoklinaletan, diskordantziadun serietan, failadun eta tolesdun serietan eta egitura nahasiak dituzten serietan.

MAPA GEOLOGIKOEN INTERPRETAZIOA. Egitura arrunteko mapa geologikoetan egituraren zehar-ebakian egin eta interpretatu.Egiturak diskordantziak, failak, tolesak, zamalkadurak, diapiroak eta egitura ezberdinek arteko konbinazioak izango dira.

FOTOGEOLOGIAREN OINARRIAK. Argazki aereoen interpretazio geologikoa: ukipen geologikoak zehaztu, okerduraren noranzkoak zehaztu eta egitura geologikoan ezagutu.

KARTOGRAFIA GEOLOGIKOAREN MENDIKO KANPAMENDUA. Geologoek mendian burutzen duten lanaren oinarrizko teknikak praktikan erabili. Mendiko lanarekin txosten geologiko baten aurkezpena.

Klase teorikoak: ariketak eta praktikak egiteko beharrezko zenbait kontzeptu azaltzen dira, ondoren halabeharrez ariketetan erabili behar dituztenak.

Aulako praktikak: plano akotatuen ariketak burutuko dira lehendabizi taldeka eta ondoren bakarka gaitasunak apurka apurka bereganatzeko.

Laborategiko praktikak: Mapetatik abiatuta informazio geologikoa lortu maparen interpretazioaren eta zehar-ebakien bidez.

Mendiko lana: taldeka antolatuta lurralde desberdinen kartografia eta edozein arlotako datu geologikoen bilketa egin. Mendiko lanaren ostean talde berdinak bildutako informazio guztiarekin txosten geologiko bat landu behar du.

EBALUAZIOAREN METODOLOGIA (deialdi arrunta):

- Azterketa teoriko eta praktikoa: Plano akotatutak (%20) eta mapa interpretatiboak (%30)

- Mendiko lanaren ebaluazioa (%25) eta mendiko laneko aurkezpenaren ebaluazioa (%25)



Irakasgaia gainditzeko, ebaluatzen diren atal guztietan gutxienez gehienezko notaren %40 lortu behar da.



Ebaluazio-sistema jarraituari edo mistoari uko egin nahi dion ikasleak idazkia aurkeztu beharko dio irakasleari lauhilekoaren lehenengo 10 asteen barruan.



Azterketa egunean ez aurkeztea nahiko izango da ikasgaiaren azken kalifikazioa ez aurkeztua izan dadin.

Iparrorratza, piketa, erreglak, konpasa, estereoskopoa, argazki aereoak, mapa topografikoak, mapa geologikoak

Oinarrizko bibliografia

MARTINEZ-TORRES, L.M.; RAMON-LLUCH, R. eta EGUILUZ, L. (1993).- Planos acotados aplicados a Geología (Problemas Resueltos). Ed. Servicio Publicaciones de la UPV/EHU. 146 or.

RAMÓN-LLUCH, R., MARTÍNEZ-TORRES, L.M. eta APRAIZ, A. (2001). Kartografia geologikoa:Sarrera. Serv. Ed. UPV/EHU. 200or.

Gehiago sakontzeko bibliografia

Powell, D. (1992): Interpretation of geological structures through maps. Longman, Hong-Kong 176 pp.
Vera, J.A. (ed.)(2004). Geología de España. Sociedad Geológica de España, Instituto Geológico y Minero de España, 884 or.
Weijermars, R. (1997): Structural geology and map interpretation. Alboran Science Publishing, Amsterdam, 378 pp.