Deskribapena

Larunbat honetan, Euskal Herriko Unibertsitatearen Hezkuntza eta Kirol Fakultatea (Kirol Atala) FIRST LEGO League Euskadiren egoitza bihurtuko da, Innobasque Berrikuntzaren Euskal Agentziak bultzatuta, 6 eta 16 urte bitarteko euskal ikasleen artean bokazio zientifiko-teknologikoak sustatzeko. Aurten, 16. edizioa beteko delarik, STEAM bokazioak bultzatzeko erreferente bihurturik, ozeanoen esplorazioa izan da ikasleek aurrez aurre izan duten erronka.

Gasteizko egoitzan 13 ikastetxek hartuko dute parte (Arabako 6 eta Bizkaiko 7), eta 33 talde lehiatuko dira (24 Challenge + 9 Explore).

Eusko Jaurlaritzaren Zientzia, Unibertsitate eta Berrikuntza Sailak eta Hezkuntza Sailak, hiru foru aldundiek eta erakunde publiko zein pribatu ugarik babesten dute programa. Zehatzago, Arabako hiriburuko txapelketak Vital Fundazioaren, Ausolanen eta BRTA Aliantzaren laguntza du.

Programa

Jardunaldiaren egitaraua web orrian kontsulta daiteke.