Deskribapena

Otsailaren 1ean, larunbata, 09:00etan hasi eta 14:00etara, Euskal Herriko Unibertsitateak-EHUazoka Unibertsitate Orientaziorako Azoka egingo du Arabako Campusean, zehazki Hezkuntza eta Kirol Fakultatearen instalazioetan (Kirol Atala). EHUazoka aukera paregabea da etorkizuneko ikasleek gertutik ezagut ditzaten UPV/EHUk 2025-2026 ikasturtean eskainiko dituen graduko ikasketak eta unibertsitatean sartzeko prozedura.

EHUazokaren hiru jardunaldietan, fakultate eta eskola guztietako irakasleek arreta pertsonalizatua eskainiko diete unibertsitate aurreko ikasleei standetan. Informazio saio kolektiboak ere egingo dira. Horrela, EHUazoka aukera paregabea da gure unibertsitatea eta bere graduko ikasketa eskaintza hobeto ezagutzeko eta etorkizuneko unibertsitate ikasketen inguruko zalantza guztiak argitzeko. Standetarako sarrera librea izango da; baina, informazio saio kolektiboetara joateko, derrigorrezkoa da izena ematea.

Informazio gehiago: Arabako EHUazoka.

Graduen eskaintza 2025-2026: https://www.ehu.eus/eu/web/graduak/graduak

Arabaren ostean, EHUazoka Bizkaiko Campusean egongo da otsailaren 8an.