Deskribapena

Abandoko Udal Zentroa. Barrainkua kalea, 5.

José Luis de la Granja Sainzek, UPV/EHUko Historia Garaikideko Katedradun Emerituak, "La Euskadi Contemporánea. Historia eta politika” liburua aurkeztuko du ostegun honetan, otsailaren 13an, arratsaldeko 19:00etan, Abandoko Udal Zentroan. Aurkezpena UPV/EHUko "Nazionalismoak eta kultura politikoak Euskal Herrian ikuspegi konparatuan" ikerketa taldea eta Betagarri Liburuak argitaletxearen eskutik egingo da.

Ekitaldian parte hartuko dute Gaizka Fernández Soldevilla Terrorismoaren Biktimen Oroimenezko Zentroko artxibo, ikerketa eta dokumentazio arloko arduradunak; Luis Sala González UPV/EHUko Historia Garaikideko doktoreak: eta José Luis de la Granja Sainz liburuaren egileak.

"La Euskadi Contemporánea. Historia eta politika” liburuan de la Granja Sainzek Euskal Herriaren konfigurazio politiko eta sozialean eragina izan duten prozesu historikoetan sakontzen du, gaur egun arte izan duen bilakaeraren ulermen integrala eskainiz. Liburuan zehar, euskal historia garaikidean interes handia duten alderdiak agertzen dira: Euzko Alderdi Jeltzalearen bilakaera, 1931ko Lizarrako Estatutua, Aberri Egunaren jatorria, Eusko Abertzale Ekintzaren historia, Euskadiko Gobernuak Gerra Zibilean eta erbestean egindako lana, Gernikako bonbardaketa, 1937ko Santoñako Ituna, euskal nazionalismoak katalanismoarekin eta galizismoarekin egindako aliantzak, etab.

José Luis de la Granja Sainz Euskal Herriko Unibertsitateko Historia Garaikideko katedradun emeritua da Gizarte eta Komunikazio Zientzien Fakultatean, eta unibertsitateko irakaslea da 1978tik. Irakasle tutorea izan zen UNEDen eta irakasle bisitaria Provenceko Unibertsitatean (Frantzia), Nevada Renoko Unibertsitatean (Estatu Batuak) eta Alacanteko Unibertsitatean. Euskal nazionalismoaren historia, II. Errepublika, Gerra Zibila eta buruzagi politikoen biografiak izan ditu ikergai.