Deskribapena

Ostegunean, ekainak 18, 9:00etan, UPV/EHUko Bizkaia Aretoan (Abandoibarra etorbidea 3, Bilbo) hasiko da Lan Harreman eta Zientzien unibertsitate ikastegien II. Kongresu estatala. Asociación de Centros Universitarios de Relaciones Laborales y Ciencias del Trabajo (ARELCIT) delakoak eta UPV/EHUko Lan Harremanen Unibertsitate Eskolak antolatu dute kongresua. Aurtengo edizioa ondoko titulupean iraganen da; "Las relaciones laborales ente el reto de una economía social y solidaria". Ekonomia sozial eta solidarioa izanen dute, beraz, helmuga, horretara iristeko lan harremanen inguruko hausnarketak proposatuz. Bi egun iraungo duen eztabaida, lau ataletan egituratuko da:

• Espainiar ereduko lan harremanen eraldaketa: norbanako, kolektibo eta Segurtasun Sozialeko prestazioak
• Enpresagintza sozial eta solidarioa: gizarte laneko kooperatibetako eta enpresa solidarioetako esperientzietan sortu den enpleguaren kantitate eta kalitatea, hala nola kontratu publikoak esleitzean irizpide sozialen garrantzia
• Kantitate eta kalitate galera enplegu eta prestazio sozialetan
• Irakaskuntza: programazio didaktikoa eta generoari eta iraunkortasunari dagozkion zeharkako gaitasunen ebaluazioa

Informazio gehiago ARELCIT-en webgunean.