2013ko laugarren hiruhilekoaren Euskadi Lan Txostenaren aurkezpena

Ostiralean, urtarrilaren 31n, 11:00etan, UPV/EHUko Bizkaia Aretoko Elhuyar entzunaretoan (Abandoibarra, 3. Bilbo) IV. Euskadi Lan Txostena aurkeztuko da. Ikerketa horren helburua hiruhilero (kasu honetan, 2013ko urritik abendura bitartean) Euskadiko Autonomi Erkidegoko lan egoeraren garapenaren ikuspegi orokorra ematea da. Batetik, Euskadiko lan merkatuaren panoramika emango da; eta, bestetik, lana galdu eta aurkitu dutenen langileen kopurua.

Sara de la Ricak koordinatutako UPV/EHUko ikerketa taldeak egindako txostenaren xehetasunak prentsaurrekoan aurkeztuko dira.

Prentsaurrekoan parte hartuko dute:

• Sara de la Rica, UPV/EHUko Ekonomia eta Enpresa Zientzien Fakultateko Ekonomian katedraduna.
• Luis Miller, UPV/EHUko Ekonomia eta Enpresa Zientzien Fakultateko irakaslea.