Ate Irekiak aukera paregabea dira gure titulazioen eskaintza eta irteera profesionalak ezagutzeko eta gure Eskolako laborategiak, ikerguneak eta instalazioak bertatik bertara ikusteko. Bestalde, Ingeniaritzako Ikasketek hainbat arlotan duten balio praktikoa erakutsiko zaizu, besteak beste, Industria Teknologiaren arlo ezberdinetan (Mekanikan, Elektrikoan, Elektronikoan, Automatizazioan, Kimikan, Ingurumenean, Energetikoan eta Antolakuntzan), Informazio eta Komunikazio Teknologien inguruan, arlo Zibilean eta Itsasketa/Nautika arloetan. Aurten gainera, Ingeniaritza Biomedikoaren inguruko informazioa jaso ahal izango duzu.