IKASI HIZKUNTZAK ARABAKO CAMPUSEAN
EHUko Arabako Campuseko Errektoreordetzak unibertsitateko kideei ingeles tekniko eta akademikoa etengabe ikasten eta erabiltzen lagunduko dieten jarduerak antolatu nahi ditu. Era berean, uste du interesgarria dela hizkuntza hori Lingua Franca gisa sustatzea. Arabako ikastegietan gero eta ikasle zein langile eleaniztun gehiago behar dira. Horregatik, garrantzitsua da gradu eta graduondoko ikasketetan eta ikerketa jardueretan ingelesaren presentzia areagotzea, baita ikasleen eta langileen mugikortasuna ere; eta unibertsitateko komunitateak, beste behar batzuen artean, ingelesezko gaitasun linguistikoak garatzeko prestakuntza behar du. Hori dela eta, Arabako Campuseko Errektoreordetzak ingeleseko mintegiak antolatu ditu. Hona hemen 2024-2025 ikasturteko lehen lauhilekorako jardueren eskaintza:
INGELESEKO MINTEGIAK - 2024ko Udazkena
- EXPRESS YOURSELF
- ENGLISH IN EDUCATION
- INTERACTING ENGLISH
- WRITING YOUR TFG OR TFM
Izena emateko epea - 2024ko irailaren 20ra arte
INGELESEZ IDATZITAKO TESTU ZIENTIFIKO-AKADEMIKOAK BERRIKUSTEKO TUTORETZA ZERBITZUA
Zientzia gizarte jarduera bat da, non komunikazio prozesuek funtsezko zeregina betetzen duten. Izan ere, ikertzailearen eginkizun nagusietako bat da bere jarduera zientifikoaren emaitzak ematea argitara ikuskapen eta kalitate estandar altuko aldizkarietan. Horretako, arauak eta jarraibideak ezartzen dira, ikertzaile ona izateko ezagutu behar direnak. Gaur egun ingelesa da komunikazio hizkuntza nagusia zientziaren alorrean eta, beraz, diskurtso zientifiko‑teknikoa hizkuntza horretan menderatzea funtsezko gaitasuna da ikerketa jarduera burutzeko eta emaitzak ezagutza zientifikora gehitzeko.
Adierazitakoagatik guztiagatik, Arabako Campuseko Errektoreordetzak erabaki du abian jartzea, deialdi espezifikoaren bitartez, testu zientifiko-akademikoak (GrAL eta MAL barne) berrikusteko tutoretza zerbitzua, Arabako Campuseko kideei zuzendua.
Eskaerak aurkezteko epea 2024ko irailaren 30an hasi eta abenduaren 20an amaituko da, edo data hori baino lehenago aurrekontua agortuko balitz.
Info gehiago HEMEN
Iradokizunen postontzia
Konta iezazkiguzu datorren lauhilekorako hizkuntzak ikasteko dituzun ideiak eta premiak, ikastaro berriak … eta bidali gure helbide elektronikora: arabakohizkuntza.laborategia@ehu.eus.
Mila Esker!