Indarkeria matxistaren aurrean zer? (EUSKARAZ)
Data
2024/11/21, 18:00
Ikuskizun aretoa – Unibertsitate Pabilioia
Indarkeria Matxisten aurkako Eguna ospatzeko antolatutako hitzaldia da, Unikoak 2024 euskal kultura sustatzeko jarduerak antolatzeko deialdiaren baitan. Ikasleen eta Arabako Campuseko Errektoreordetzaren arteko lankidetzaren emaitza da.
Hitzaldiak mugimendu feministan eta eraso matxisten kudeaketan ibilbidea daukaten bi hizlari batzea du asmoa, haien jakintza parteka dezaten EHUko kideokin zein besterekin. Alde batetik, indarkeria hauek identifikatzeko gai izateko ezinbestekoa da begirada kritikoa garatzea eta haien egiturazko izaeraren gaineko kontzientzia hartzea. Bestetik, ekintzaren atala izango dugu: nola erantzun indarkeria honi? Kasu espezifikoei begiratuko zaie eta baita egoera orokorragoei ere, eta tresnak eskainiko dira maila indibidual zein kolektibo eta instituzionalean indarkeriari aurre egin eta saihesteko mekanismoak garatzeari begira.
