Donostiako Cristina Enea Fundazioan egindako ekitaldian, ‘Gehiago gara’ ekimenak aintzatetsi zuen Euskal Herriko Unibertsitatearen Hezkuntza eta Kirol Fakultatearen lana, eta, zehazki, Txabi Arnal irakaslearena, UPV/EHUren ikastegi horretan urteetan egindako lanagatik, etorkizuneko irakasleei haurren heriotzaren gaia jorratzeko eta heriotzaren inguruko haur-literatura ezagutarazteko eskainitako jakintza guztiagatik.

Hain zuzen ere, ‘Gehiago gara’ ekimena sortu da haurren heriotzaren inguruan dagoen tabua gainditzeko eta zeregin horretarako baliabideak garatzeko deia egiteko helburuarekin. Helburua haurren heriotza normaltasunez eta gizatasunez bizitzeko jarrera sustatzea da, eta hori lortzeko beharrezkoak diren jarrerak eta jakintzak sustatzea hezkuntzan, osasunean eta, are gehiago, elkarte eta erakundeetan.

‘Gehiago gara’ Hil Argi Elkarteak eta Bizipoza Elkarteak sustatzen dute, Eskuhutsik Elkartea, Heriotza Haurrekin, Bidegin Elkartea eta Goizargi Elkartea bidelagun dituelarik.