-
Ereño Gorria kareharria da mundu mailako ondarea osatzen duten 50 harrietako bat
-
% 92ko okupazioa UPV/EHUko graduatuen artean
-
Aurkitu dute nola kontrolatzen eta gobernatzen dituzten zelulek beren lekualdatzeak
-
Arotza, fisikaria eta jakite hutsaren atsegina
-
103 master ofizialek eta berezko 72 tituluk osatuko dute UPV/EHUren 2024-2025eko eskaintza
Sassariko Unibertsitateak Medikuntza eta Erizaintza Fakultatea bisitatu zuten
- Kronika
Lehenengo argitaratze data: 2023/05/30
![](https://ehu.eus/documents/10136/45088584/visita-sassari_web.jpg/a542a6ca-eedf-f168-222d-148896a83321?t=1685433613753)
UPV/EHUko Medikuntza eta Erizaintza Fakultateak Sassariko Unibertsitateko (Sardinia) irakasleen ordezkari batzuen bisita jaso du: Pasquale Bandiera, Alessandra Sotgiu, Gaia Rocchitta eta Andrea Ledda teknikaria. Denak dira Medikuntza, Kirurgia eta Farmazia Saileko eta Zientzia Biomedikoen Saileko Erasmus Batzordeetako kideak.
Bisita bi unibertsitateen arteko lankidetza-hitzarmenean sartzen da. Hitzarmen hori duela gutxi formalizatu da, eta datorren ikasturtean ikasleak trukatzen hasiko dira.
Egun hauetan gure unibertsitatea eta Medikuntza eta Erizaintza Fakultatea ezagutzeko aukera izan dute, eta bilerak egin dituzte hainbat sailetako irakasleekin, ikerketa-aliantzak bilatzeko eta harremanak eta esperientziak partekatzeko. Bizkaiko unibertsitate-ospitaleak ere bisitatu dituzte: Gurutzeta eta Basurtu, baita Biocruces ikerketagunea ere. Horrela, gure unibertsitatera etortzen direnean ikasleek ikasiko dituzten tokiak bertatik bertara ezagutu dituzte.
Bide batez, gure unibertsitatean hain ezagunak ez diren beste alderdi batzuk erakutsi genizkien, hala nola Medikuntzaren eta Zientzien Historiaren museoa eta El Saltillo eskola-ontzia, eta EHUorkestraren entsegu batean egon ziren.