Deskribapena

Universidad del País Vasco/Euskal Herriko Unibertsitateak (UPV/EHU), Gipuzkoako Campusaren bidez, informazio-jardunaldiak egingo ditu abenduan Gipuzkoako hainbat herritan.

Jardunaldi hauen helburua UPV/EHUren eta etorkizuneko unibertsitate-ikasleen arteko lehen harremana bideratzea da. Era berean, unibertsitate honi buruzko informazio orokorra jasoko duzu eta gogoko dituzun unibertsitate-ikasketen gainean erabakiak hartzeko unean-uneko zalantzak argituko dizkizugu eta zure galderei erantzungo diegu.

Lehenengo Informazio-saioa abenduaren 4an izango da Zarautzen. Ostean, ondorengo asteetan, Euskal Herriko Unibertsitateak Gipuzkoako udalerri garrantzitsuenak zeharkatuko ditu (Tolosa, Eibar, Arrasate, Azpeitia, Donostia, Errenteria, Legazpi…) abenduaren 19an Beasainen eta Irunen emango diren informazio-hitzaldiarekin amaitzeko. Ekitaldi guztiak 18.30etan hasiko dira eta elebidunak izango dira.