-
Ereño Gorria kareharria da mundu mailako ondarea osatzen duten 50 harrietako bat
-
20.000 lagun inguruk egin dute aurretiazko izen-ematea UPV/EHUn gradu ikasketak egiteko
-
UPV/EHU mundu mailako abangoardian kokatu da komunikazio kritikoei dagokienez
-
103 master ofizialek eta berezko 72 tituluk osatuko dute UPV/EHUren 2024-2025eko eskaintza
-
USE ezohiko deialdian matrikulatu zirenen % 89,17k gainditu du
Fernando Tapia, UPV/EHUko Garapen Zientifikoaren eta Transferentziaren arloko errektoreorde berria
- Albisteak
Lehenengo argitaratze data: 2019/09/05
![](https://ehu.eus/documents/10136/12752304/Fernando+Tapia_web.jpg/dfc24523-6eb1-e63b-f2aa-977518c82655?t=1568024279000)
Zuzenbidearen Filosofiako irakasle Fernando Tapia UPV/EHUko Garapen Zientifikoaren eta Transferentziaren arloko errektoreorde izendatu dute. Tapiak Biokimika eta Biologia Molekularra Saileko unibertsitate katedradun Arturo Muga ordezkatuko du. Orain arte errektoreorde berria Gipuzkoako Campusaren Garapenerako eta Kanpo Harremanetarako zuzendaria eta Joxemari Korta zentroaren zuzendaria izan da.
Fernando Tapia Alberdi Zuzenbidean doktorea da eta Zuzenbide Fakultateko “Justizia sozialaren aldeko Klinika Juridikoaren” Zuzendaritza Batzordeko kidea; halaber, ikerketaren arloan, ETICOP-IT (Ética en Comunidades de Práctica / Ethics in Communities of Practice) ikerketa taldeko kidea da. Errektoreorde berria Lege Soziologiako Nazioarteko Erakundearen Zuzendaritza Batzordeko kide zein UNED-Bergara Fundazioaren Patronatuko kide izan da, baita Administrazio Zuzenbidea, Konstituzio Zuzenbidea eta Zuzenbidearen Filosofia Saileko idazkari akademikoa ere. Madrilgo Abokatu Kolegio Txit Goreneko kide da, nahiz ez dagoen jardunean. Kirolaren esparruan lan ezberdinak burutu ditu, batez ere aholkulari juridiko gisa. Kudeaketa publikoaren esparruan ere badu eskarmenturik, besteak beste, Gizarte eta Erakunde harremanetarako Foru diputatu kargua izan baitu.